فرياض الباهيات كانت الحمانية جالسة فموضعها كتفرج فالبنات كينتفو فجورية ومحاميين عليها بعدما لقاو ليها السبة عيات دافع على راسها وليني الحمية كتغلب السبع كيبان ليك غير الشعور كطير فالسما و نوارة و بذرة شدوهم بعدما بغاو يفكوها الحمانية: تفرجو باش تعرفوا آخرة للي يعصاني و يتنفخ وما يعجبو حال فرياضي ...ربيوها ألبنات قبل ما تبدا القصارة، الليلة جايينا شي ضياف نبغيكم تهلاو ليا فيهم ...كرموها مزيان .. تم جاي مسعود كيتلوا او وراه البشير وهو يدفع شي بنات قدامو وصفق بيديه مسعود:ويلي ويل الشيطان الحرامي ..عشرة ليهود على قنفوذ وما ذبحوه ..شفتها سخفاتكم.. يالله عريوها ليا زبطة نشوفو لحيماتها لي مكبراهوم فينا (عراوها مسكينة واخا عيات تقاوم وقطعو ليها الحوايج فوق لحمها) البشير دير خدمتك تفيفيحة باقا ممعضوضاش تبرع ليا معا راسك ...و ماتحنش مابغاتش طيع لالة حبيبتي بالخاطر ها جزاتها جورية: (بدات كتغطي لحمها وتستر عورتها بيديها والبشير كيتلمس فيها و يقول ليهم تفرجو أ البنات تعلمو ما يليق بيكم (والكلبات كيتغامزو عليها و يضحكو...كلشي باغيها فيها حيت زينة عليهم و مسرارة وعرفوها غادا تدي ليهم حب وتبن..بيضة كتقشقش كلشي فبلاصتو هو هداك ما فيها حتى عيب الكمال لله) جورية:بعد مني الله يستر عليك ...وا مسعود سترني الله يسترك وا لالة حليمة ...وا لالة حبيبتي مسعود: بغيت ليك غبارة سميتها لالة الحمانية أنا وحدي لي نقول ليها لالة حبيبتي ... تحبك جنية ما عندها سمية ..يعطيك حبة فالفم وحبة فالعظم يا بنت الهم ..اخ على تريكة (وقفات عليهم الحمانية و مشات عندها ) الحمانية: دابا شنو غادا تشطحي وتغني بخاطرك ولا تولي فراجة و البشير يزرد عليك هاد الليلة جورية: ندير لي بغيتي غير بعديه عليا الحمانية: ديوها من هنا خويو عليها سطل بارد يالله توكض ولبسوها لباس الخدمة حتى نشوفوها واش تقطع جهدها أو وريوها شغلها ...و يا ويلك تفارقك التبسيمة فقصارة الليلة (هادشي كامل وقع وحليمة مكيناش ...صيفطوها تساوم فشي بنات من دوار بعيد) قادوها البنات وعطروها ولبسوها لباس يفتن النسا ما بقا غير الرجال ...الحشمة للي فيها زادتها سر على سر تعشقها العين من وسط ميات عاتق...غارو منها اللفعات كون صابو يغزوها ومن الرياض يغبروها... بدات القصارة والرياض عمر بضياف الليل الغنا والشطيح و الشراب والدخاخن قالبة المكان.. زيدوها تشطح او وراها بدرة ونوارة كيتمايلو...وهي تخلي كاع الحاضرين حاللين فمهم وكيغرمو عليها ما كاينش ديك الليلة للي متغزلش بزينها...كانو كيف الوحوش كياكلو فلحمها بعينيهم وهي ربي للي عالم بالعافية للي شاعلة فجوفها ..تمنات كون الأرض صرطاتها ولا هاد الحالة لي هي فيها .. الحمانية:(كانت كتهضر من ورا واحد الشبيك وحاضية شنو كيجرا)شفتي شقلت ليك أ مسيعيد هاد البنات هوما وجه السعد علينا ...الغرامة للي نجمعوها فشهر هايا نزلات عليهم غير فلويلة وباقي الخير كيصب. كيف الشتا ...نبغيك تهلا فيهم من هنا القدام بالماكلا و اللباس والعطور باش يبقاو مفتحات وعاطيات للعين ورخف شوية على جورية من هضرتك السامة.. ★★★★★★★★ (الغنا خدام حتى دخل واحد ملثم جلس ومشات عندو الحمانية) الحمانية: شحب الخاطر ... جاي تقاد المجاج ولا طفي العجاج ولا لويلة ديال الحلام فرياض الباهيات مع حورية من هاد الحوريات الهشاشات كيف البلارات... (بقا كيدور فراسو حتى بانت ليه جورية هو يشير بصبعو وقال للحمانية بغيت هاديك ) الحمانية: هاديك ماشي لبياتة غير للشطيح شوف غيرها -(جاوبها بصوت حرش ) قلت ليك بغيت هاديك الحمانية:(تحنات عندو او وشوشات ليه) هاديك سومها غالي عليك حيت باقا عزبة شوف غيرها - (لاح ليها شلا رزامي ديال الذهب حتى حوالو عينيها ) ودابا رخاصت ولا باقا الحمانية:(داخت مللي شافت الفلوس ونسات راها مخليا جورية لضياف سي التهامي... حركات راسها لمسعود باش يدي جورية لبيت من بيوت الرياض وحيت عرفوها مغاداش تخليه يقيصها عطاوها عشبة كدوخ..مكتنعسش ولكين كتخليك دير أي حاجة بلا طوعك...معمرهم بقاو داروها لشي بنت من نهار ماتت ليهم بسبابها وحدة ...وليني الطمع طاعون) دخلوها للراجل للي كان كيتسناها فوق الفراش وهي داخلة كتمايل وتغني جورية: (كتهضر بصوت تقيل)نغني ليك ههه .. _ تلاح عليها كيف الغول وهي ما واعيا بوالو فرمشة عين خدا منها أعز ما عندها و تكّا حداها كيتمعن فالزين للي عطاها الله . ****:زينك فتان و فعايلك ديال الشيطان ...شكون قال عزبة بهاد الزين تمشي فهاد الطريق ...بنهار تباني للناس ملاك وبالليل خبت منك ما شافتو العين
#يتبع
رياضنا يا رياضنا يا الفاضح عراضنا ...حيوطك ساترا خبارنا و ناسك ناهشا جسادنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
