(وصل الليل ...ظلام مغطي المكان و مسرب حتى لقلب السلطان ..لي متمني يكون هاشم غير كاذب ولا غالط ..المهم ميكونش كلامو على مو صحيح )
(وصلو لرياض الباهيات ...قدرو يتسلتو ليه ويدخلو بعدما قتلو جوج من الحرس ولبسو حوايجهم )
(فقاع الرياض كانت السلطانة واقفة كتهضر مع واحد من الرجال )
السلطانة: فين تعطل هادا ..الشارف لجا دابا وملقاش سلعتو باش غادا نجاوبو ...وأصلا مكنحملش نتحط أنا فوجه المدفع
علي: مال عمتي كتخاصم ...ها المدفع كلو وصل
السلطانة: ياك قلت ليك اخر مرة تبقا تحضّرني ..مالك راسك قاصح ..
علي: جبتي الكتوبة
السلطانة : (لاحتهم فالعافية للي قدامها) ... ودابا مبقاش عندهم منين يشدوني ... صحاب ليها راسها غير عرفت شنو فالكتوبة غادا تفرعن عليا..السلطان نقول ليه موت يموت
علي: ههههه داك ولدك أصلا غا مبهلل ميقلب ورا حد ..لي تقالت ليه يقول واخة ..للي كان فراسها خبارك هنيتك منها ..دابا غادا تعاونيني نرجع رزقي لي دا ولدك ولا ...
السلطانة: النهار اللول قلت ليك بغيتيني نعاونك ولادي ميتأداوش ...وراق ملكية الرياض ها هي شي حاجة خرا ما عندي باش نفعك..بعدا ديك المومس فين ديتيها
علي: الكلام فهادشي من بعد ..و أخر مرة تهضري فمراتي خايب
السلطانة: هههه مراتك كاع ..مفراسكش واقيلة السلطان عقد عليها
علي: جواجهم باطل مادام أنا حي ...و لهلا يبطلوو كاع ...جورية ديالي أنا ..عمرو يحلم بيها..سكتينا دابا ودخلي للبيت راه السلعة جات ملي نهبط مع الحاج المرسى رجعي للقصر ديك الساعة
هادشي كامل دار قدام السلطان وهاشم ...لوكان ما هاشم حكيم ومرزن كان السلطان غادي يطير على علي يفدي فيه القديم والجديد
هاشم: الحمية كتغلب السبع أ مولاي..خلينا نتسناو حتى يكمل هادشي ونتبعو علي نعرفو مكان لالة جورية
(فهاد الوقت قدرات تسل جورية من الخيمة للي محبوسة فيها ..بقات غادا كتْخَتَّلْ حتى حسات بالغاشي قريب منها وهي دخل لواحد الخيمة تخبات فيها بيدما يكملو رجال علي طريقهم... يالله غادا تخرج و صوت ناداها من وراها "جورية")
جورية: (تلفتات وراها وقلبها غادي يسكت بالخلعة) خالتي حليمة !!!!
حليمة:(هضرات بصوت عيان و مهلوك) اييه أبنيتي خالتك حليمة ...الكافر بالله ديال التهامي غدر بيا
جورية: شكاتقولي أ خالتي ...(عيات دابز مع السناسل للي رابطينهم بيهم هي و نوارة باش تحلهم او والو )
حليمة: هربي أ بنيتي ..قبل ما تحصلي اللهم واحد فينا يفلت ...وما تيقي فحد ..المال كيشري الرجال أبنيتي ..التهامي راه مع علي ..قتلو كاع للي فالرياض و فلت غير أنا و نوارة و التهامي ...مللي حصلونا معرفتش الكلام للي دار بين رجال علي و التهامي ..أخرتها لقيت راسي محبوسة فهاد الخلا المخلي..سيري دابا ما حد باقي ما عاقو بيك هربتي
جورية: ها عهد الله بيناتنا أ خالتي ..لخرجت من هنا سالمة نرجع نعتقكم..
( خرجات جورية من الخيمة وكون ما تخبات فصندوق من الصنادق للي غادين بيهم رجال علي كانت غادا تحصل شوية وتغوت مللي قاصت فيها بنية صغيرة كانت حتى هي داخل الصندوق )
جورية: (وسط ظلام الصندوق بقات كتحسس وجها) شششكون ؟
البنية: أنا خميسة ..ملقيتي فين تخباي ..
تخباي حدايا ..وما ديريش الصداع ..كحازي شوية ياااء شحال غليضة
جورية: ..ششش دابا يسمعونا ..شنو كاديري وسط الصندوق
البنية: مخبية بحالك كنلعبو الغميضة .. على نتي مكتلعبيش معانا
جورية: اه حتى انا كنلعب...واش بوحدك مخبية
البنية: لا بزااف كنلعبو مع عمي علي و مكنديروش البسالة باش نرجعو لدار..ششش باش ميسمعوكش ويلقاونا و يقشقشو علينا..هاهوما هزونا شدي فيا لنطيحو
( مللي بان لجورية الحس تقطع هزات باب الصندوق بشوية و بدات دور عينيها فالظلام ...ودنيها سمعو صوت المواج..وشمات ريحة الحوت وهي تفكر راسها قرات فالكتاب ديال علي بللي كيرسل الصبيان للسفن للي كدخل المرسى .. سمعات جوج هزو الصندوق وكيهضرو)
*****: هاد الصندوق ثقيل ...تقول هاز فيل ماش ولد صغير...باين مولاتو ولا مولاه سمين ويعمر العين
*****: هز وسكت خلينا نكملو هادشي قبل ما يجي يطلينا تاني
كيف كملو الصنادق فالحطان على السفينة ..خرجات هي والبنت كيتسلتو
#يتبع
أنت تقرأ
رياض الباهيات
Tiểu thuyết Lịch sửسلطان عطاتو يامو كيشالي بكمامو مرة يعدل مرة يجور ...بهوا ذرة العواتق عاد سقيم سارح فمواج البحور
