اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دازت ليام و جورية وحليمة كيخطو كيفاش يكشفو أم السلطان و جورية ولات فكل مناسبة جاب ليها التهامي كتغني أما السلطان ...كان طالق رجالو يقلبو عليها فكل مكان حتال واحد الليلة جا التهامي لعند جورية كلو دمايات للدار التهامي: (كيهضر وهو سخفان)هجمو رجال السلطانة على الرياض و ذبحو كاع الي فيه ...مفلت منهم غير بالكشايف جورية: كيفاش ذبحو كلشي...خالتي حليمة فين هي(خرجات جورية كتقلب قدام العتبة) دوي زنوبة:دوي أبا التهامي فين مي التهامي: الله يرحمها (تشويت فيها أبنتي تشويت)..مخلاو حتى حد عايش ..بداو غير كيحملو فالصنادق شي على شي و يثقلو بالحجر ويهزو للبحر وشمعو الرياض.. زنوبة: وا بغيت مييييييييي ...لاش خلااوك نتا لااااااش ...باش تجيب الخبار جورية: (عنقاتها بالجهد )بلا شك السلطانة عرفات بموضوع الرياض و الطريق للي تحتو .. علي كانت فيه الرحمة وكان كيتفاوض مع حليمة على الرياض أما فخيتة كنت حاكراها ظاهر ليا كثر منو فالشر دازت ديك الليلة عليهم كحلة مرة مرة زنوبة كتنوض تبكي وترجع تنعس و جورية الليل كامل بايتة عند راس التهامي مقابلا جروحو و غير لتحركت شي حاجة برا كتقفز من الخلعة والخوف على ولادها التهامي : مبغيتش ندوي قدام زنوبة أبنيتي حيت وصاتني حليمة قبل ما تموت ...من الهضرة للي سمعت راه السلطان للي أمر باش يتسد الرياض ..وهو للي رسل رجالو دارو فينا ديك الحالة.. جورية: لا مولاي ميديرش هادشي ..قلت ليك السلطانة هي مولات الفعلة وبغات تسبيها فيه ...( مجات فين تكمل كلامها حتى سمعات ولادها كيبكيو...ملي وقفات عليهم لقات زنوبة كتخنق فمراد..وهي طلقها بغوتة و تلاحت عليها جراتها حتى رضخاتها مع الحيط وهزات مراد كتقلب فيه) ..حرام عليك هادو غير ملائكة ...حرااام عليك ولدي ....ولدييييي مكيتنفسش ...تلاحت فوق منها كتضرب فيها حتى جا التهامي رجليه مهازينوش و كيفك زنوبة: (كتهضر بهستيريا)سمعتك أ التهامي ...سمعتكم.. كيف ما شوا قلبي على مي ...هانا شويت قلبو على ولادو ....كيما ذبحو مي ...فصغرها و كبرها. هانا قتلت ليه ولادو ...ههههه أنا ...أنا لي خنقتهم ...أنا (شدها التهامي وعنقها ..وهي تسخف بين يديه) جورية بدات كتخبط جنابها وكتبكي على ولادها ..شوية بان ليها عثمان مزال كيتنفس هزاتو وجرات بيه لبرا يشم الهوا ...هو يبدا يبكي ..حطاتو ورجعات هزات مراد خرجاتو حتى هو علا وعسا حتى هو يتنفس ولكن والو ..كان مات مسيكين عنقاتو بالجهد وطلقات غوتة تهد الجبال على كبدتها للي عاد حسات بيها تشوات ملي ضاع طرف منها جورية:فيق أوليدي فييييق عافاك ...... (خداه منها التهامي وبقات هي شادة عثمان و طايحة قدام الباب شوية خرج لاويه فيزارو و مشا كيحفر حدا الدار تحت واحد الكرمة و حطو وسط القبر ) جورية: (شدات ليه من كتافو بيد واليد لوخرا هازة بيها عثمان)عافاك أ سي التهامي متلوحش على ولدي التراب ...عافاك راه غادي يخنقو ...راه غادي يفيق يبكي باغي رضع ..بغيت ولدي عافااك التهامي: الرجوع الله أ بنتي الصابي مشا عند مولاه ...طوير فالجنة ..الله يبارك ليك فاللي باقي بين يديك ..خليني ندفنو ...قراي عليه شوية القراان محدو كيرمي عليه فالتراب وهي دموعها شلال وباغا تحماق حسات بطرف منها تقطع ...عاد عرفات شنو هي محنة الام على ولادها ويالله بدات تولفهم وتربي عليهم الكبدة طار واحد منهم... سمعو خطاوي زنوبة خارجة عندهم وتلفتو جيهتها فدقة
