رياض الباهيات

رياض الباهيات 🤍 الجزء 38

(بقات جورية كتشوف فزنوبة  للي جات كتبوس ليها فرجليها تسمح ليها )
جورية: علاش شويتيني فكبدتي ...لاش .. حسبتك ختي ماشي خديمتي و كنت نعاود ليك سرايري و عمري كبرت فيك الحاجة .. شدار ليك وليدي شدار ؟ باقي غير لحيمة ما شاف ما تشوف مسيكين فالدنيا
زنوبة: ها العار أ لالة ما سمحي ليا ...راه رزاوني ف ميمتي أ  لالة ها العار راني تشويت حتى أنا
جورية: (دفعاتها من قدامها) من اليوم طريقنا مفرقة ... نتي مشات ليك مك وأنا ترزيت فكبدتي وفخالتي .. على وجه الخير للي دارت فيا خالتي حليمة غادا نخليك فحالك ...متعاوديش تقربي جيهتي ولا جيهة ولدي ولا كنقسم ليك بالله حتى نسا راك بنت حليمة و نخليك عبرة و فراجة
(باست تراب قبر ولدها و ركبات عثمان و ركبات على عود التهامي مخليا وراها غير العجاج.. وصلات الغابة وهي تشوف السلطان كيقلب عليها وقفات قدامو حالتها حالة بالتراب)
السلطان: شنو كديري هنا...قلبت عليك حتى طابو رجليا
جورية: كتقلب على للي شربتيها العلقم ...وقتلتيها على جوج مرات ..نهار قالت ليك متقيصنيش ..ديني من هنا و نهار كنتي سباب فموت كبدتها ...أ السلطان لي ما نجا من ظلمو نسا ولا صبيان كنكرهك قدما بديت كنبغيك (وبدات كضرب فيه)
هنا وعات على راسها بللي غير كتخيل ولقات راسها كضرب فشجرة و يديها كلها دمايات.. جلسات ترضع ولدها...و من زهرها ما غادا تلاقا غير مع هاشم ورجالو للي كانو نيت كيقلبو عليها ..غير شافتهم ركبات على العود و جبدات عليها وليني قدر هاشم يوصل ليها
جورية: خليني أ هاشم نمشي ...عارفاك عاونتي شلا نسا ... متكونش سباب موتي
هاشم: شكون غادي يقرب ليك ...السلطان مبقاش كيدوق النعمة من نهار مشيتي وبالأخص مللي عرف راسو والد معاك
جورية: كيفاش حتى عرف ؟ منين جاتو الخبار
هاشم: مللي هربتي السلطانة شافتو داير حالة بالتقلاب عليك ...وهي تقول ليه بللي نتي أصلا كنتي غير من بنات الليل وبللي علي تعرف عليك فرياض الباهيات وتعدا عليك شي ليلة و حملتي منو وبللي عرفتيه هو بات الولاد غير من خاتمو..تم السلطان فهم الحكاية
جورية: وا خليت ليكم القصر بسلطانكم تبخرو بيه ..خليوني غير نمشي من هنا راه طلع ليا كلشي فصحتي ...
هاشم: السلطان مبقاش كينعس الليل باغي غير وقتاش ترجعي ليه ويشوف ولادو
جورية: قوليه جورية عمرها تسمح ليك على مداز عليها بسبابك و قوليه نتا سباب موت واحد من ولادك ..ها العار ما خلي لاخر يعيش

#يتبع