رياض الباهيات

رياض الباهيات 🤍 الجزء 12

دازت شهر ورا موت الوزير والسلطان أمرهم يتجمعو باش يفرق عليهم الورث ويصلح بينهم..كان الكل مجموع فقبة الحكام الا جورية لي عمرو ما شافها ولا رمق حتى خيالها طول هاد المدة لي كانت فالقصر ...حيت كانت حزنانة على راجلها لي دوزات معاه غير يام قليلة وليني دوزاتها وهي غاضراه ومتستاهلش هادشي للي كيديرو معاها عائلتو
السلطان: (تكلم مع مو باش تمشي تجيبها ) فين مراتو التانية لازمها تحضر حتى هي فالقسمة ولا جماعتنا هنا ماليها فايدة
فخيتة: خليت عندها الحكيمة من لبارح وهي محمومة وكترد 
السلطان: أنا باغي نطرق هاد المسمار باش نتفرغ لشغال الناس نتلاقاو جميع من هنا لشوية فجناحها
(مشاو تكبو كلهم فجناح جورية للي كانت لابسة البيض وملثمة عكس مربوحة  )
مربوحة: مالها ياكما كاتودع ..مصبراتش على فراق المرحوم
فخيتة:(خنزرات فيها  باش تجمع فمها وسولات الحكيمة ) شنو عندها؟
الحكيمة: مرات سيدي الله يرحمو حاملة ولازمها الراحة والتهللو حيت التيلاد للي فكرشها مشادش بلاصتو مزيان
(كلهم شافو فبعضياتهم ومربوحة خرجات مكشكشة بحالا ضربتيها بمطرقة للقلب أما باه فرح وليني مبينش قدام مراتو ومو )
فخيتة: للي ولد ما ماتش نعلو الشيطان و حنو فهاد المرا مسكينة كيف ما كان الحال جمعها معاكم الدم
السلطان : لازمني نقرا عليكم وصية علي للي كان كيجددها كل عام و هاد العام سبحان الله تقول حس غير تزوج جددها تاني واليوم وصلاتني من الشيخ
الوصية كيقول فيها بللي كل واحد غادي يدي حقو و بالنسبة لمربوحة ها ورقة طلاقها مطلقها ليلة عرسو يعني ماليها حق فمالو وليني مابغاش يظلمها خلا ليها مستحقاتها  او كيوصيكم تتهلاو ليه فمرتو وما ظلموهاش  هذا ما كان
رحمة: دوي ياللفعة حرشتيه يطلقها باش تكوشي على كلشي نتي وللي فكرشك بالحق الحساب علاللخر مفرعنة بهاد جوج حيوط محامية بيهم ملي تخرجي من القصر ونتحاسبو
سلام:  ضيعتي ليا بنت خويا فحقها ....معرفتش شدرتي لعلي خلاه يغدر بنت عمو للي من لحمو ودمو ويشوف فك نتي ...دخلتي عليه بنحسك حتى مشى تحت التراب
فخيتة: يهديك الله أخويا راك نتا مول العقل بيناتكم تربية دابا نعل الشيطان وحضر ليمان العمر بيد الله
سلام: كيفاش عطاتك خاطرك تجي من جهتها ودوزي بنت خوك
فخيتة:(شاف فيها السلطان بعينيه باش تنهي هاد المهزلة قبل ما يتسالا صبرو) أنا مع الحق أ ولد بويا ..وهاديك لي كدافع عليها ديك فليفلة مو لسان كيقطر بالسم سنين وهي عايشة فرزق ولدك فاللخر  ملبساتش  عليه حتى شرويطة بيضا و نهار موتو الناس يدعيو ليه بالرحمة وهي تروح فالدعا وتعطيه ....اليوم جاية تسابق باش تشوف شحال جاها...ساعة ما غاتدي غا البرد ...للي عطا الله عطاه ولدك الله يرحمو ما دار غير الحلال كان باغي غير الذرية واخا مسكين مفرحش بوليدو ولا بنيتو للي جايين ...ونتي للي كتخرجي فعينيك أرحمة باز لديك الكبدة عندك فعيواض تفرحي بحفيدك للي فيه ريحة ولدك كتلومي فهاد بنت الناس سمعو نقولكم هاد بنت الناس ولات أمانة عندي وللي مسها يمسني غادا تجلس فالمكان المخير فالقصر  لبغات بخاطرها...  ومعزتها من معزة علي الله يرحمو ونهار تولد على خير بغيتو تجيو تشوفو ولدكم ولا بنتكم مرحبا مبغيتوش لهلا يجيبكم ...السلطان غارق حتال شوشتو بالهم تزيدوه بهبالكم يالله لي عندو شي دار يقصدها خليو البنت ترتاح