زنوبة: خلطتيها وجلطتيها فالقصر أ لالة جورية .. طاح الظلام و مولاي خرج ما تلا رجع
جورية: قطعي حسك دابا يسمعك شي حد ..شوفي متحركيش من حدا الولاد حتى نرجع ..
(قصدات جورية المرسم ديال السلطان كان بابو غير موارب ..دخلات وبان ليها قالب الدنيا سفاها على علاها و جالس قدام لوحة كبيرة راسمها وكيهضر معاها وظاهرة عليه مخمور بقات ورا شبيك من الخشب حاضياه وهو كيتكلم مع اللوحة للي مكانتش باينة ليها)
السلطان: نتي بوحدك لي غادا تفهميني ...قلبت عليك حتى عيت ملقيتكش ...لاش مشيتي ...معمرك خرجتي من بالي من ديك الليلة ...صوتك ..عيونك ..ضحكتك .. أسروني...بوحدك للي سكنتي قلبي ...
(وقف وقال تاني)لا كنكذب.. حتى هي كنفكر فيها ... علاش أ ربي ....واش كاين شي سلطان بلا ولاد لاااااش أنا !؟(ضرب يدو حتى جرحها وهي دخل عندو )
جورية: مولاي يالله لجناحك..
السلطان: شششكون تجرأ يدخل هنا(تلفت عندها) ....هادي نتي ههه جيتي ! لاش جيتي .. ههه جيتي تشمتي فيا حيت مكنولدش .. تكشف السر ههه..ختي فضحات سري ...(بدا كيقيص فيها فوجها وكيهضر بصوت مرخي مخمور) كتشبهي ليها ... عينيك كيبريو بحالها...حيدي لثامك باغي نشوفك..نشوف هاد الوجه لي فتن الكبير والصغير و السلطان باقي ما وصل ليه
جورية: ( حيدات ليه يدو) مولاي راك مواعيش
السلطان: شكون نتي باش تقولي للسلطان لا ...دايرة فيها شريفة ...و لاش جايا فهاد الوقت جايا تنشي الذبان.....كلكم بحال بحال ....كلكم جواري عند رجليا ...جرها من كمها حتى تقطع و دحسها فالقنت ...(دفعها)سيري بحالك ...وليتو كتعيفوني
(خرجات بحالها و هو بقا مسرح فالمرسم حتال الفجر ..فاق راصو غادي يطرطق عليه ..قصد جناحو نيشان للحمام كمد عضامو ..مللي خرج لقا مو عند الباب أذن ليها دخل بعدما لبس عليه)
السلطانة: (عنقاتو ) نتا راك سيد الرجال يكفي أنك سلطان البلاد عمر قدرك ما ينقص عند العباد ...كل حاجة من الله نحمدوه عليها ..ختك فلطات أ وليدي ماغانقولش ليك نسا كلامها ولا سمح ليها .. بالحق غير خمم قبل ما تنزل عليها حكامك..الا هيا مراعاتش دير نتا بوجه الدم و الخاوة و بوجهي أنا ميمتك
السلطان: جايا طلبي ليها العفو ..واش ولاو يوصلوني مراسل باش نحضي ختي ..أنا السلطان.. العبيد يهضرو على ختي..اليوم نبغيها ترجع لعند ناسها ..ريحتها مضورش فالقصر لبغيتيها تبقا حية
السلطانة: (معاوداتش معاه الهضرة حيت برودو فالكلام خالعها) هي للي متعاودش ..واش نتا بيخير أ عثمان
السلطان: شنو بان ليك
السلطانة:( شدات ليه من يديه و جلساتو حداها) غادا نهضر معاك فواحد الحاجة و آخر مرة غادا ندخل فيك لمصدقاتش
السلطان: تكلمي كنسمع
السلطانة: جورية
السلطان: مالها
السلطانة: بغيت نصيفطها لخلوتك هاد الليلة ..
السلطان: ههه ...نوضي لجناحك أ لالة فخيتة عندي شلا ما يدار
السلطانة: ساعفني غير هاد المرة
السلطان: دابا فنظرك هادا وقت هاد الهضرة ..واصلة ليا فين بغات و كتحكري عليا وكل مرة تفكريني بعجزي..جورية مرات علي
السلطانة: حاشة أ مولاي ..جورية والدة توام ومتعطلتش فولادتها ...ماغاديش تصبر بزاف بالقلة شهرين تحمل ليك بإذن الله
السلطان: واش مابغيتيش دخلي لراسك بللي أنا لي مكنولدش ...الحريم كلها للي دازت مفيهمش العلة ...العلة من ولدك ..من سلطان البلاد
السلطانة: و حيت سلطان البلاد خاصو يحافظ على سلالتو ..مخصكش تربط يديك ...دير السبب و ربي يكمل من عندو
السلطان: نقولو قبلت شكون قاليك هي غادا توافق بعد للي شاع عليا
السلطانة: غير قول نتا اه وهي ضربها على حسابي
السلطان: بشرط ..الا مصدقاتش هاد المرة غادي نسلم الحكم لعدنان .. كيف قلتي خاصنا نحافضو على السلالة(نطق كلامو باستهزاء وقلة حيلة)
السلطانة: شكاتقول ..مكينش شي سلطان من غيرك لهاد القصر ولهاد البلاد أنا مقصدتش لي فهمتي..
السلطان: هضرة وحدة دازت
#يتبع
أنت تقرأ
رياض الباهيات
Ficción históricaسلطان عطاتو يامو كيشالي بكمامو مرة يعدل مرة يجور ...بهوا ذرة العواتق عاد سقيم سارح فمواج البحور
