دازت ليام وجورية تقلات وبدات تقرب ولادتها ...كانت لالة فخيتة دايرا ليها بحال الما القليل فحين عجوزتها فينما تلقى الفرصة كتنغصها عليها تقول غير لفعة ومحزمة بابليس
كانو مجموعين على طابلة العشا السلطان مترأس الطبلة و مو فليمن ديالو وحداها جورية عاد زهور أو وليداتها عاد رحمة و على ليصر خوه العدنان عاد خالو
فخيتة: (شافت جورية عينيها خارجين فالدجاج للي قدام السلطان ومالايقاش تهزو من قدامو) واش معجبكش الدجاج لي قدامك نقوليهم يبدلوه ليك ( تفاهمات مع السلطان غير بالعين و سمح ليها تبدل معاها المكان) أجي أ بنيتي مكاني (ناضت السلطانة مخليا جورية تجلس مكانها قريب من السلطان وهي ملهوفة على داك الدجاج)
رحمة: عز نفسك تصيبها ..الله يحضر السلامة بنادم منوض الهيف.. ايوا الله يعطينا زهرها فقيها صحيح ما كفاهاش الوزير دازت للسلطان ...وجه النحس من نهار رينا خنشوشها ما بقا دق بابنا الربح
فخيتة: مالك سايرا تكلمي فشونك أ رحمة.. لباغا دوي ما دويشاي من تحت كمك ..فرزي لغاك باش نعطيوك جوابك
رحمة: ههه قلت غا مال جورية كدير اللثام وما كين حد غريب ...خانقة راسها وهي مزال صغيرة هادا غا شيخها والسلطان خلاص بحال خوها ولا يكما خويبة معا راسها من نهار جينا مشفنا وجها كي داير ولا حتى حنا غادي تحشم منا
فخيتة: الحيا زين وكلها وعلاش تربات كية للي رجل فالدنيا ورجل فالقبر وما تحشم ما ترمش وهي لدارت نكابها جا معاها وزادها سر على سر المعنى على للي ملي ديرو كتولي تبان كي الغراب ...ومرت ولدك كون بغيتي تشوفيها راك عارفة جناحها فين، ماشي حتال فوق الطبلة عاد باغا تشوفيها
فهاد اللحظة جورية جاها شي وجع فرق ليها الظهر مشعراتش على راسها حتى شدات فيد السلطان وزيرات عليه غارسة ظفارها فيه هو مع هز راسو فيها طلقاتها بغوتة خلات كلشي سكت ...مقداتش تنوض هزها السلطان لأقرب جناح وكان هو جناحو كانت معنقاه وكتغوت ربي للي خلقها حطها على سريرو و قالهم يجيبو الحكيمة بالخف وهي تقول واش طلقات من يدو بحر الوجع
فخيتة: باسم الله عليك أبنتي نتي فعار الله تنفسي مزيان متخافيش ها الحكيمة جات
(خرج كلشي كيتسنى على برة بقات معاها غير الحكيمة و السلطانة)
الحكيمة: عاونيني أ بنيتي زحمي الله يرضي عليك
جورية: وا رببييييي .....أممم ...اأمممم
الحكيمة: عتقيني أ لالة فيقيها قبل ما تسخف ويتجيف الولد رشي عليها الما
فخيتة: صبري أبنيتي الله يرضي عليك ...عاونينا
شوية وتسمع صوت بكا التربية وليني جورية باقا كتوجع
فخيتة: ياك ولدات مالها
الحكيمة: باقي تيلاد خر أ لالة
فخيتة: تبارك الله...مشاء الله ...زحمي أبنيتي زحمي
***************
(كانت غادا جاية قدام الجناح حامية فيها البيضة)
رحمة: مفهمتش أنا ...عمري شفت شي وحدة تولد على تمن شهور ..هادي راه يالله دخلات فالتامن بلزاتو ..هاد القضية ضراتني فراسي
زهور: مأكدة أ مي رحمة ماشي وقت ولادتها؟
رحمة: ايوا الواحد الا كان زين يستر راسو من العيب وهادي الظاهر ليا العيب كللو حازتو ..طليت عليها دابا أول مرة نشوف كمارتها ...زينة بنت الحرام ...تحمق بالزين ما خنفرات ما خرج فيها كلف الحمالة زادتها سر على سر ...ضربي وجها بقمحه يطوش الدم بيضة حتى قالت كيتي..عليها وليدي مشا مدفك ..سحراتو بدوك العينين أنا مرا شفتها دابا و تلفت عساك هو ...الله يرحمو وليدي دا سرو معاه.. وحتى من السلطان بقدرو و قامتو مشطون عليها ..عاجبها زينها ..عليها متعفر علينا
فخيتة: على سلامتك أ لالة البنات ...زنوبة طلقي سبعة التزغريتات مرتين...زينة البنات الليلة ولدات جوج ذكورة توام عليهم وعليها حجاب الله...
(مشات زنوبة لعند السلطان )
زنوبة:مولاي رسلاتني لالة ام سيدي قالت ليك طلباتك جورية طليبة و كتمنا متخيبهاش ...بغاتك دخل تأدن للزيادة
جا السلطان وشدهم بين يديه وهو كيترعد وقلبو كيزدح ..أدن ليهم و بارك ليها من ورا الحجاب و قال لمو توجد للسبوع وخرج
#يتبع
أنت تقرأ
رياض الباهيات
Ficción históricaسلطان عطاتو يامو كيشالي بكمامو مرة يعدل مرة يجور ...بهوا ذرة العواتق عاد سقيم سارح فمواج البحور
