(كل صفحة كان كيقلبها السلطان من الكتاب كان كيعيش معا الكلام للي فيها بحالة كيشوفو قدام عينيه وكيقول فنفسو وهو متحسر "اييه أ علي وجهك كان كيضوي و قلبك جمرة كتشوي ...يد تسبح ويد تذبح")
**********
***: مولاي علي ها الضرائب للي حطو التجار اليوم و الفلاحة، وبالنسبة لهداك لي كان حل فمو وقال غادي يقصد السلطان راه صيفطناه يتوانس مع للي سبقوه
علي:السلطان! ههه أنا هو السلطان... على السلطان كيقدر يهرس كلمتي ؟ شدارو فالبنات للي صيفطنا للشمال
***: كون هاني أمولاي الشغل غادي كيفما بغيتي
رسلنا منهم حتال البلدان القريبة و غرقناهم فلوس باش يطمعو و يبقاو تحت جناحنا ويجيبو ليك كاع الخبارات
علي: وديك خيتي باقا مبغاتش تبيع ليك الرياض
***: الحمانية قبلات و لايني حليمة جلدة معصعصة قالت ليك متفرطش فرياضها للي عاشت وكبرت فيه ولو بقطيع الراس
علي: كبرات فيه ...الخانزة كبرات فيه على الصلاة والذكر...ياك غير لالة ومالي و الفساد بالنهار والليالي ...بنت الحرام عارفانا عارفينها يديها طويلة وعندها المعارف من تجار كبار و قياد و لمشينا حتى صفيناها ليها غادي نجبدو علينا الصداع والخبار توصل للسلطان وكلشي يضيع من يدينا...حبابنا راهم كثار
شوف أنا عارف منين غادي نلوي ليها ذراعها دير هادشي للي غادي نقول ليك او ولا عليك
***********
فقبة الحكام كان جالس السلطان حتى دخل عليه علي
علي: يسعد مساكم أ مولاي
السلطان: زيد أعلي ..طولتي الغيبة هاد ليام
علي: غير مع بني الجامع أمولاي ..كنبغي نبقا واقف على الشغل حتى يسالي ..فاش بغاني مولاي
السلطان: (وقف جيهتو و حط يدو على كتفو)..هكا نبغيك ...نحمد الله للي لاقيك فجنبي ...عارف علامن معول
بغيتك تجيب ليا خبار واحد الواحد فين كاين وشنو كيدير و معامن كيتلاقا المهم بغيت نعرف الشادة والفادة
علي: غير سمع علي سمية الراجل تخلطو فيه اللوان ..كون هاني أمولاي خبارو بالقلة سيمانة تكون عندك
السلطان: ما بغيت نتاخد حتى قرار حتى نتأكد ونعرف الغاية والمراد من وقوفهم وتساميرهم فالليل
علي: شكون كتقصد أمولاي؟
السلطان: ( سها شوية كيتفكر الليلة للي شاف فيها واحد غادي خارج من القصر كيتسلت وكيتلفت وراه والحراس متحركوش ..نطقو اسمو وعطاوه السلام كاع ..وفنفس الوقت خرجت عناية من نفس طريقو ورجعات لجناحها ...هنا شك السلطان ياكما مراتو بينها وبين هاد خينا شي حاجة ..) دير للي قلت ليك من بعد و تعرف
علي : هي اللولة أ مولاي تبات فراحة الله (خرج علي من عند السلطان قاصد بلاصة المنجم باش يشوف فين وصلات الخدمة)
#يتبع
أنت تقرأ
رياض الباهيات
Ficción históricaسلطان عطاتو يامو كيشالي بكمامو مرة يعدل مرة يجور ...بهوا ذرة العواتق عاد سقيم سارح فمواج البحور
