رياض الباهيات

رياض الباهيات 🤍 الجزء 47

مع ميقات المغرب خرج السلطان متنكر للسوق ... ولقا حال الناس ما يعجب ...كان العاهد بيه الناس مرتاحة فبلادو ...ساعة كلشي كان غير زواق مغطي جرايم العديان للي دايرين بيه سول واحد البياع على حال السوق
السلطان: السلام عليكم...كيف دايرة الحركة هاد ليام أ الشريف فالسوق
البياع : وعليكم السلام ورحمة الله...الحال باين ..الناس مكرفصة و قلة شي محناها ...خيرات البلاد كلها داوها كروش الحرام ...المعيشة غلات والفقير ما عاد ليه مكان فهاد البلاد..اااه الله يعز يامات مولاي سعيد ...كانت الهبة والرزق غا دايع و الخيرات مشتة ..درك عادت السيبة والرزق ضايع و الخيرات منهوبة ...اودي خليني ساكت راه القلب عامر ..البلاد للي تخليك فالعرا و الحفا حلف عليها غير حلفة وزيد مع طريقها خلفة
السلطان: زاد مكمل طريقو وكيبان ليه صبيان خصهم يكونو فالمسيد مادين يديهم للسعاية ..تحسر على حال بلادو ..والطريق طوالت عليه للقصر...قصد جناحو و بانت قدامو فالطريق مريشة هازة مرسول غادة بيه لجورية هو يوقفها
السلطان: شداكشي هازة
مريشة : والو أ مولاي غير مصخرة
السلطان:( مد يديه ) اري لهنا نشوف شداكشي
مريشة: (مداتو ليه وهي كترعد )
السلطان:(فتح البرية و بدا يقرا) نهاية حزنك عادت قريبة و الطريق لي توصلك ليه قصارت ... ميتة باش تلاقايه .. ويوقف قدامك..غير زيدي صبري ما بقا قد ما فات عنوانو راه عند خديمتك
كمش المرسول و قلبو بدا يخبط ما شعرش على راسو حتى كان قدام جناح جورية دفع الباب ودخل هي شافتو فديك الحالة الدم هرب من وجها ..قرب ليها وهو كينهج
السلطان: (أمر بالغوات الوصيفات يديو عثمان ويخرجو وضرب ليها المرسول على وجها )
لاش ضايرين بيا غير الغدارة ...شكون نتي باش دفعي عليا هاد الكبير كلو ...عند راسي باغا حتى يصفا خاطرك من جيهتي ...قولي نتي كتسناي رجوع حبيب القلب
و زايداها كتراسلي معاه بالعلالي فقلب قصري
(شدها من عنقها ) كلكم متسواوش ...جيتي غير من رياض تشياخت و السيبة و بغيتي تفرعني ...وليتي تعطيني فالموعظة ..شوفي غير راسك بعدا ...بالحق عمر الشطاح ينسا هزت الكتف ...(طلقها و ضرب يدو فالحيط)
لاش درتي في هادشي ..تقت فيك وقلت لخانوني كلهم كاينة جورية ميهمش، لاش !؟
جورية:(( تحنات وهي كتكحب و شادة من عنقها ) هزات المرسول قراتو و بان ليها طابع التهامي)...هادا مرسول من التهامي راجل خالتي ...
(دار عندها السلطان مصغر الشوفة فيها)
اييه من عند راجل خالتي ..لي معرفتش لاش زعما باقي كيصيفط ليا فالمكاتيب وهو طلع ما يسوا ما يصلاح وباع خالتي وخلاها محبوسة فيد العدو ...وغير باش يرتاح بالك راه كيهضر على راجل مي ..حلفت حتى نجيبو عند قدامي و نفدي فيه ما دار فيا .. عند راسي قطعت الواد ونشفو رجليا ساعة عندك الحق راني مزال غارقة فالغيس ديال داك الرياض و عارو غادي يبقا تابعني طول حياتي ...شفتي شنو يجيك مليح ..ياك نتا كنتي باغي للي يخلفك ..طلق سراحي نمشي بحالي وراه ولدك عندك ..أنا راه ماشي عناية غاديرني تحت نعالتك ..أنا جورية و ما داز عليا كافي..أنا جورية لي ملي تنطق سميتي على فمك شلل فمك بالعسل..قطعت على نفسي عاهد عمري  باقا نخللي شي حد يضرني ..للي خصك تعاقبهم مخليهم و كتنقز غير على الصور الحادر...شنو فرقك عليهم دابا ..قرب جيهتها وهي تسمح فيه و خرجات
#يتبع