البقعة المحرمة

Part 4 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات.

ودي أبوگن جدمي وأبعد
ودي أفك باب السنين السود وأشرد
ودي لكن شدو برجلي جرس يشهد عليه
وبس أشيلن خطوتي الحراس تگعد..
لا هذا عُمري ولا هوَّ لوني
بس والله همَّ الكبرونـي

❐❐❐

حدقت على الطارمة فارغة من الناس وباب الصالة مقفول أرتعد قلبي وتقربت ردت أفتحة ماكو طرقت على الباب بأيدي أكثر من مرة ماكو جواب بقيت أضرب عليه مثل المجنونة..

من سمعت صوت أغاني عالية كُلش وصاخبة وأصوات رجال ونساء تخرج من الداخل بقيت أضرب على الباب بقوة

نفتح وصارت مقابيلي أكثر إنسانة أكرها بحياتي سوزان فتحتلي الباب بأنزعاج وعكمشت وجها بضوجة من شافتني رفعت حاجبي وتكتفت

-ها عيني شو ما عاجبچ

-شجابچ هسة!

-جابني الفگر لطياح حظچ..

-أدب سزز أحترمي نفسچ ونلصمي واصعدي لغرفتچ

ضحكت بسُخرية ودخلت للصالة مُزدحمة ومكتضة بالذكور الثمائل وكل وأحد بيدة كاسة خمر والنساء لبسهن عاري وفاضح وكُل ذكر مستحوذ على امرأة

وسوالفهم قذرة ومقرفة وريحة السكر النتنة والثرثرات الصاخبة والاغاني العالية نداريت على سوزان وهمست وكأنما دأشتم رائحة نُفايات

-أنتِ شوكت تخلين عقلچ براسچ!!

-ليش هوَّ وين؟

رمقتها بنظرات سُخرية وردت أرد لو ما حسيت بشخص خلفي مُباشرةً التفتت عاقدة حواجبي بنرفزة ذكر ضخم وطويل يحدقلي كأنما يحدق لفريسة

-نعم؟

-تعاي يحلوة

راد يسحبني من أيدي صفعتة بقوة وطلعت حرقة قلبي بي وگع من طولة على الأرض مرتطم سكران منتهي قوتة متلاشية

انداريت على سوزان بعصبية شبعتها سب وشتم وفشار..

-إذا ما تنهين هاي المهزلة أسوي سالفة ما تتسولف

-اششش نچبي ودخلي لغرفتچ

-طلعيهم برة لا أني أعرُف شلون أطلعهم

-ملك كافي ولا عبالك أني أمچ عبالك أنتِ أمي!!!

-إذا أنتِ مابيچ حظ شسويلچ؟؟؟؟