البقعة المحرمة

Part 39 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

گوة شايل روحي بيدي واخاف من روحي أطيح هنه كلهن يوجعني منين ما تلزمني أصيح وهذا مو گلبي بضلوعي گلبي ميت وأنتهى موضوعي أنت والدنيا عليه وهمومها أنت شايف عين تبچي بنومها!!

❐❐❐

"كاتيـا"

كرار أبتهج وجهة ودخلنا وره حيدر بسرعة وياريت ما دخلنا حيدر حط أيدة على الحايط بعد ما شاف المنظر يريد يسند روحة لأن راح يوگع من طولة وكرار جحض عيونة وجمد بمُكانة تسارعت دقات قلبي بخوف وأستغراب من حالتهم ودخلت أكثر وياريت ما دخلت ولا شفت الشفتة..

شهگت جاحضة عيوني بصدمة، رائد واگع على وجهة بغرفتة وحالة مثل حال الميت بالضبط، ركض عليه كرار وگلبة على ظهرة بين وجهة وياريت ما بين..

وجهة صاير أزررررگ وملامح وجهة متغلضة بشكل يخوف عكس ملامحة الطبيعية وكأنما روحة راح تطلع!!!!

ماكو دم، ماكو شي حاد يمة، ماكو حبل علمود شنق روحة، ماكو أي شي يدل على أنُ هوَّ قتل نفسة، لعد ليش هيچ حالة هسة بين الحياة والموت؟؟؟

كرار زلمة شكبرة شگده بقى يتراجف مثل السعفة ركض حيدر عليه وگعد ركبة ونص حط أيدة على رقبة رائد وقاس نبضة زفر نفس براحة وغلق عيونة ورد الدم بوجهة وبسرعة نهض يستعجل كرار بكلامة

-حيدر: شيلة وياي كرار بعده بي نفس..

كرار هز راسة وأني فتحت الهم الباب وبسرعة طلعو من غرفتة ومن بيتة كُلة وأني أسويلهم طريق وأفتح الهم البيبان دخلو بالسيارة وهوَّ فاقد ما يحس بشي وخوفي يتضاعف لإن هاي الحالة والهيئة المُريبة تصير للميت..

-حيدر: كرار سوق السيارة سوقها

-كرار: أي أي

ساق كرار السيارة وأني جالسة بالصدر وحيدر ورائد بجانبة بالمقعد الخلفي بَــس حيدر محتضن رائد علمود ما يوگع ووحدة من رجلية تهتز بتوتر، رائد ما أعرف مُغمى عليه لو شنو صاير وياه بَــس حالة مثل حال الميت..

ما معروف ليش هيچ وجهة أزرگ بَــس حيدر وجهة هم صار أزرگ مثل لون وجهة رائد من خوفة على أخو، وكرار عيونة تتوزع بين مراية السيارة يطمئن على حالة رائد وبين الطريق وطاير بالسيارة