#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.
-سمرا فاتنة بُنية العيون
عنيدة كالخيول
عنيفه كالنار، كالزلزال، كالجنون..
❐❐❐
"سيسيـليا"
رفعت أكتافي ببرد مبتسمه ضحك رائد وجر خدي بأيده فركت أيديه ببعض جر كف أيدي وشبك أصابعه مع أصابعي وغرس كف أيدي داخل جيب قمصلته
-خل نرجع للبيت عشقي ما دام نعستي..
-يله، بَس كُلش تونست
-گدامنا أيام هواي راح تتونسين أكثر
هزيت راسي ومشينا بجانب بعض، نتمشى ونسولف ونضحك بالطريق وحدنا وقت متأخر محد طالع من البيت هسه بَس أني وياه وأصابعه بعدها شابكه أصابع أيدي وبعده مخلي أيدي داخل جيب قمصتله
أنتبهت لحركات رائد كُلش حنينات ولطيفات يهتم لأدق تفاصيلي بديت أتعلق بي بشكل جنوني ومُخيف أشگد أنصدم من يگول ما يردوني أتزوج أو أني إنسان مو مسؤول أو مو مال زواج! وهوَّ أصلاً الزوج الصحيح بنظري أبد أبد ما يسوي شي يغثني ولا يضوجني شنو أريد يسوي الي ويحاول بأبسط الشغلات يسعدني ورجُل شهم وشُجاع منين تنعرف رجولته غير من رجولته ومواقفه وتصرفاته مع زوجته!
أشر على السما وهوَّ مبتسم يحدق للقمر ويحدقلي
-گمر فوگ وگمر جوه
ضحكت بخجل وأني أحط أيدي على وجهي حدقت للأمام وأردفت بحماس
-رائد خلي نركض واليوصل أول هوَّ فايز
-سوادين!
-شبيك حباب
-شنو طناطل نتراكض بنص الليل
-حباااااب
-نچبي الفاهيه صايره مسودنه
-منو هاي المسودنه يا مُتخلف
-وكلام الله أكضچ اكتلچ هنا
-لا بله
-شنو رأيچ نفتح ساحه هنا!
-يماماااا
ضحك ورجعنا نمشي بعد ما شافني خفت أردفت وأني صافنه على الطريق وأحچي
-تمحيني من الوجود..
-چا أنتِ بَس لسان!
-أي
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
