#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات.
-گولو سوسي ما مدللتنا 🔪🔪!!!
❐❐❐
"لبـوة"
ليل هادئ، ظلام دامس، قلوب مطمئنه، نوم مُريح، تلاثتنا نايمات بنفس الغرفه وبنوم عميق لكن زعج نومي صوت خارج الغرفه خلاني أنهض على حيلي صوت خفيف وكأنما دبيب خطوات داخل البيت، دمي نشف بجسمي وروحي نسحنت سحن من الخوف وقلبي يخفق بقوه وجسمي يرتعد البنات نايمات بنوم عميق وأني أحدق على الباب وبدت حبات العرق تتصبب من جبيني والصوت مُستمر يتقرب على غرفتنا..
أريد أنطق ماكو أريد أتحرك ماكو الخوف أكل قلبي أكل أنداريت على البنات كاتيا فاتحه عيونها قفز قلبي من صدري من خفة نومها نهضت بسرعه وأجت بجانبي تحدق بحذر وهمست
-كاتيا: شكو!
-لبوة: صوت بره ما أعرف مصدره..
-كاتيا: منو أجه بهل ليل حيدر گال ما راح أجي!
-لبوة: ما أعرف بَس راح أموت من الخوف..
-كاتيا: اششش
حطت أصبعها على ثغرها بحركه بدون صوت وتحدق على الباب صابه كُل تركيزها والخطوات تقترب تخبلت أعصر بأيديه وأبچي بصوت مكتوم
-لبوة: يمممه ولچ راح أموت من الخوف
-كاتيا: كافي راح تفضحينا
-لبوة: لا لا أني گلبي راح يوگف دخيلك ربي أنقذنا
-كاتيا: غير تسكت راح تجيبهم بنصنا!
-لبوة: شنو من گلب عندچ ولچ أني أخاف
-كاتيا: يمعوده ماكو شي كافي أسكتي
-لبوة: ولچ راح نمووت راح نموووت
زلغت خدودي والطم بدون صوت ميته خوف كاتيا لو ما الوضع متأزم طيحت حظي وقتلتني..
-كاتيا: خليني أعرف أتصرف لخاطر الله!
-لبوة: شسوي خايفه!
-كاتيا: يمعوده يم الغيره فدوه أسكتي
-لبوة: أي سكتت سكتت
-كاتيا: راح نروح بيها من وراچ
-لبوة: والله بَس خل يمر هذا الموقف على خير يبعد ما أبقى بهذا البيت لو شنو ما يصير شنو عمي أنتم تخوفون أني مو مال هاي السوالف بنيه جبنانه خوافه..
-كاتيا: ولچ أنتِ جايه زياره شبيچ!
-لبوة: أي بعد ما أجي حتى بعد ما أعرفچن
-كاتيا: يا حقيره تبريتي منا!
-لبوة: الروح عزيزه
-كاتيا: هم صدگ
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
