#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات.
طِفلةٌ تائِهَة !
في ظُلمة الليل تَرونها باكِية
تبحثُ عن مَلجأٌ لَها لِيحمِيهَا
مِنْ الهَــاويَة !
كَانت تَتجول وَسط الشَوارعِ باحثةٌ
عَن دِفء العَائِلة
كَيف يَقسُو الزَمانُ
عَلىٰ تِلكَ الفَاتِنة !
فَـهل سَـ تنتشلُ من أرضِ الظَلام ؟
أم سَتبقى هُنا مَدى الأيام !
❐❐❐
"سيسيـليا"
جالسة على الأرض وسانده ظهري على السرير وحاضنه رجليه لصدري ودموعي تنهمر على وجناتي زفرت أنفاسي بقهر ونفتح الباب ما أنطيته أهتمام لحظات وصار مقابيلي رائد يحدق عليه بهدوء جلس مقابيلي وهمس بنبره صوت حزينه
-ليش تبچين
-على أختي
-شبيها
همست بصوت گوه طلع گد ما مخنوقه
-گلت الها بعد ما أريدچ ولا أريد التقي بيچ..
توسعت عيونه بذهول وأردف بأستغراب
-ليش!
تربعت وأني أفتح أيديه أشرحله
-أختي ملك، عاشت حياتها علمودي تنازلت عن هواي أشياء علمودي وضحت إلى هذا اليوم، أحبها أكثر من نفسي وأكثر من حتى حياتي شايف أنتَ شلون تحب أمك!
-أي
-أني أحب ملك أكثر، ملك صارت الي أُم وأخت وصديقة وكُلشي مفتقدته رُغم فارق السن بينا قليل..
-چا إذا هيچ ليش تردين تعوفينها؟
-قُربي الها أذيه، دست على قلبي علمودها وعلمود راحتها وسعادتها وأريد أبتعد لأن بكُل مرة أكون وياها تصير الها مشاكل وحياتها ما تستقر ولا ترتاح وأني بجانبها
-ليش هيچ تحچين على روحچ؟
-لأن هاي الحقيقة، ملك ما مرتاحه بحياتها بسببي..
-شلون يعني!
-نُقطة ضعف ملك أني وكُل الناس الموجودين بحياتنا مُقرفين ومن يردونها تضعف أو تخضع يلتجئون لأذيتي ولهذا السبب ملك دايسه على نفسها وتسكت عن هواي شغلات علمودي، بَس إذا وحدها ماكو نُقطة ضعف عليها ولا راح تجيها مشاكل..
فرق بين شفايفه للحديث بصوت خفيف، تسلل لمسامعي صوته وهوَّ يردف بغضب مكتوم
-شهل نذالة هاي!
-لهذا السبب دأگُلك قُربي الها أذيه محد يعرُف ملك بگدي إذا أگُلها بالحقيقه، أني محتاجتچ وأريدچ وما أگدر أعيش بدونچ راح تدوس على الدنيا كُلها علمودي بَس أني مو انانيه أعرُف راح تتأذى هواي ولهذا السبب أريد سعادتها بُبعدي..
أنت تقرأ
البقعة المحرمة
Gizem / Gerilimأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
