#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.
-ياريت الناس كُلّها تروح مـن بالي
وبَــسّ أنتَ وحلاتك تگعد گبالي.
❐❐❐
"كاتيـا"
-شمسوية من ذنب بحياتچ حتى الله فضحچ هاي الفضيحة وشال عنچ غطاء الستر!
صفنت بأستغراب على الرسالة ليش هيچ مكتوب الي وشنو المغزة من الرسالة وأصلاً منو صاحب هل رسالة ضحكت بأستغراب وماكو ذرة خوف داخلي لأن أعرف نفسي إنسانة نظيفة وماكو صحى لهل كلام أبدًا
أتصلت نفصل الأتصال بوجهي رفعت حاجبي وضحكت وصلتني رسالة "ما أرد على الأتصالات" رجعت كررت الأتصالات مرة وثنين وتلاثة حرگت الجهاز على صاحب الرقم علمود يرد إلى أن رد وسمعت صوت صدمني!
-كاتيا: رحمة!
-رحمة: أي ليش ما چنتي متخيلتني؟
-كاتيا: منين جبتي رقمي
-رحمة: بطريقتي الخاصة
-كاتيا: شنو معنى هل رسالة الدزيتيها
-رحمة: والله حبيبتي هواي أنتِ وماضيچ وحياتچ وأهلچ الما معروفين والعصابات الچنتي عايشة وياهم يعني كلشي عنچ صار بأيدي وملك وسيسيليا بنات الملاهي والدعارات
صفنت صفنة طويلة بدون ما أرد مستغربة وهِيَّ تضحك مثل المريضة النفسية والله نصدمت منين عرفت كُلشي يخص حياتي السابقة خصوصًا أني متكتمة على الموضوع والأغرب عرفت ماضي البنات شلون!
-كاتيا: شنو هذني حلمتي بيهن وأجيتي تلفقينهن
-رحمة: بطلي سوالف اللواتة ترى عرفت كلشي عنچ
-كاتيا: من تجيبين دليل أصدگ هذا التلفيق
-رحمة: لتصيرين غبية بابا حتى صور عندي
-كاتيا: ومنيلچ شنو تشتغلين مافيات حضرتچ
-رحمة: حقچ لأن أنتِ ما تعرفين منو وياي
-كاتيا: لا ما أعرف ولا يهمني أعرف..
-رحمة: سلميلي على ملك أم لسان وگليلها رحمة تگص لسانچ إذا ترفعينة بوجهي بت سوزان
-كاتيا: أني چنت كُلش محترمتچ ومتعاطفة وياچ يا قليلة الأدب والتربية يا مريضة نفسية، طاح حظچ وحظ أهلچ على هل تربية الزفت
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
