البقعة المحرمة

Part 25 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

-براسي طفله تريد تبچي
وخايفه يبينلها صوت، براسي منصوبه الچوادر
تفتر الغربان بيه تگلي موت..
❐❐❐

مـا شـاء الله "ماشـا"

صوت آذان يريح السمع، هدوء يجول بالأرجاء، قلب مطمئن، فتحت عيوني ونهضت من فراشي بنشاط بدون كسل متعوده يوميه أگعد بوقت الآذان علمود أصلي ويبدي روتين يومي..

يومي بسيط وعادي حالي حال هواي بنات يوم هادئ مُريح أقضي بين الطبخ وقراءة القرآن والصلاه والكلام ويـ أمي وتنظيف البيت كُل الشغل أني أشتغله وما أخلي أمي تشتغل لأن مره چبيره بالعمر، وكذلك أني أعشق الطبخ وأحب دائمًا أتعلم طبخات جديده فـ دائمًا أني موجوده بالمطبخ أطبخ اليضيعني يلگاني هناك وأحب قراءة القرآن لدرجه أكو سور بالقرآن حافظتهن على گلبي گد ما قاريتهن..

بعد ما كملت صلاتي وقراءة القرآن طلعت من غرفتي گعدت أخواني وكل الموجودين بالبيت علمود يصلون طبعًا الحمدلله أحنى عائله جدًا ملتزمه ومتدينين أخواني كلهم يصلون وملتزمين بالحلال والحرام..

بعد ما گعدت أخواني كلهم رحت لغرفة حيدر ردت أدگ الباب سمعته يقرأ قرآن لگيته گاعد أبتسمت دائمًا بصلاة الفجر ألگاه گاعد هوَّ وأمي يوميه يگعدون بصلاه الفجر، وعائلتنا كلهم يبدي يومها بعد صلاة الفجر..

-حيدر: ماشا أمي گاعده

-ماشا: أي خويه بغرفتها جاي تصلي

-حيدر: رائد ما رجع!

-ماشا: لا لحد هسه ما رجع

هز راسه وأني صافنه برائد على گولة حيدر وراه سالفه وبعد رائد وسوالفه أكيد سالفه شكبرها ما تتسولف ولا تنلم، حضرت الريوگ على الطاوله بنفس طيبه ورتبت كلشي ورحت لغرفهم صحتهم بعد ما تأكدت منهم خلصو صلاة..

-ماشا: كرار صيح لرحمة وياك

-كرار: أي خويه

كرار وحيدر يتريگون ويطلعون لشغلهم وسُبطين كذلك كلنا أجتمعنا على طاولة الريوگ وحتى آية لأن عدها دوام السنه هِيَّ سادس أعدادي طبعًا آية الوحيده المكمله دراستها بين عوائلنا كل البنات عدنا بعدهن ما مخلصات سادس أبتدائي ويبطلونهن عقلهم حجري عدهم البنيه تطين راسهم إذا تدرس بَس حيدر وگف بوجوهم كلهم علمود آية تكمل دراستها..