البقعة المحرمة

Part 37 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

ااخ يا جرح العزيـز منين ما الزمك تــون..
-ســواد.

❐❐❐

"مـلك"

صمت رهيب أنتشر بالمُكان كأنما كُلنا صرنا خرسان، تخشب قلبي داخل صدري وعيوني ثبتت على رائد وشنو راح تكون ردة فعلة على هاي الكارثة!!

كان يتحرك ويريد يهجم على صهيب وملامحة محتدة وروحة مشتعلة نار خمدت نيرانة وجمد بمُكانة، صار مثل لوحة مُعلقة على جدار لا يتحرك ولا يرمش ولا ينطق صار مثل تمثال شمع..

بينما سيسيليا ردة فعلها مُختلفة عنة جذريًا، أنهيارها خلاها تحچي بكلام ما لازم تحچي والمفروض مو بهيچ طريقة يعرف بيها رائد لأن للأسف فعلاً سيسيليا عندها طفل من صهيب

هجمت على صهيب تضرب بي وعيونها دم من البچي الدموع تذرف على وجها وتعيط بصوت مبحوح من شدة العياط وتضرب بصدر صهيب أنهيارها كفيل يشرح حالتها المأساوية وتعبها من الموضوع

-سيسيليا: لكككك ويييين وديتتت أبنييييي!!!

-صهيب: حيوانة المفروض أني أسئلچ هذا السؤال

-سيسيليا: أنتتتتتَ أخذتتتتة

-صهيب: لو ماخذة صدگ ليش أجي أريدة منچ!!

-سيسيليا: لك صهييييب سوزاااان گالت أنتَ أخذتة

-صهيب: شوكت خذتة شوكتتت! لفني مرض ووليت للخارج أتعالج

-سيسيليا: أنتَ أخذتتتة تريد تحرق قلبي أعرفك حقييير..

-صهيب: خاب راح أرگعچ بمية نعال ساقطة ما أعرف ويييين هوَّ وأني جاي هسة أريد أبني وأطلعة من نص عيونچ أبني جيبي لا تخليني أتصرف غير تصرف واخليچ تبچين دم

نبيل واگف صافن عليهم وجاحض عيونة بدهشة وبعدة ما متخطي الصدمة، ما نطق بحرف وأحد صافن عليهم بينما رائد من أول ما سيسيليا نطقت بطفلها بقى على نفس الحال تقربت عليه سيسيليا روحها مفرفحة وتبچي هزت أيدي وعاطت بتوسل

-سيسيليا: ملك فدوة خلي يجيب أبني خلي ينطيناه عفية..

-صهيب: ولچ الساقطة بطلي هل سوالف التعبانة ما تمشينهن عليه تردين تفرين السالفة وأصدگچ هذني قديمات أبني أريدة وأكسر ظهرچ وظهر اليطلع وراچ إذا ما ترجعينة الي..