#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لُطفًا.
-ترى المريت بيهن مو شويه ما أريدن شخص يعتب عليه الخلص حياته بهيچ صدمات تلگه بروحه چادر مو بنيه..
❐❐❐
"سيسيـليا"
كمل جُملته وهوَّ محتضن وجهي بين أيدي بأبتسامه، أبتسمت وهزيت راسي بعد ما أرتاحيت لكن لوهله أجه يتوقف قلبي بالشفته تخشب ريقي وما گدرت أبلعه صفنت لگدام على آخر شخص متوقعه أشوفه وعلى أكثر شخص أخاف منه بهذا العالم رجف قلبي وأرتعد جسمي جحضت عيوني وهويت للأرض لولا ما رائد شدد قبضته عليه ورفعني مصدوم من ردة فعلي، ليش أجه والمن أجه راح تتدمر حياتي كُلها بدخوله الها..
روحي تخربطت وعيوني غوشن أريد الزم نفسي وأتماسك ماكو لو ما رائد لازمني كان وگعت على الأرض أخاف منه وأتخربط من أشوفه "أخاف من الدنيا لأن هو موجود بيها" شلون وأحنى بنفس المُكان!
حسيت جسمي كُله أنشل وروحي فرفحت حتى النفس بگوه أجره سحبت نفس عميق أحاول أبين نفسي صامده بَس يا صمود هذا بوجود أكثر إنسان دمر حياتي أبشع لحظات حياتي كانت وياه حياتي كُلها خربت وتدمرت بسبيه شجابه بهذا الوقت بعد هاي السنين ليش رجع متأكده رجع علمود يدمرني ويدمر حياتي كُلها..
-سيسيليا
ما رديت عليّ وكأنما راح أغيب عن الوعي ضرب على خدي بخفة أيده علمود أصحصح يبتلع بريقه بخوف وذعر من حالتي وشلون تغيرت بغضون لحظات..
-لچ شبيچ!!
-رائد رجعني للبيت..
بگوه گدرت أنطق هاي الكلمتين وجمعت الأحرف هز راسه مخبوص وما يعرف شنو صار وشنو يسوي من صدمته بالموضوع سندني علمود نمشي سوى دفنت راسي بصدره وهاي أول مره أسويها وأني أحضنه، بَس من خوفي تخبلت ما أريد الدمر حياتي يلمحني!
واگف من بعيد بملابس رسميه ومقابيله رجال يحچون ومندمج يتناقش وياه صح ما شافني هنا بَس متأكده رجع علمود يدمرني ويدمر حياتي، رائد خاف عليه أكثر من شاف خوفي وأحتضني وأخذني للسياره فتح الباب ودخلني للداخل وصعد يقود السياره..
-شبيچ أحچيلي شصار!
-رجعني للبيت عفيه
-أي أي بَس فهميني شبيچ!
أنت تقرأ
البقعة المحرمة
Mistero / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
