#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات.
بين الدروب والعثرات، والدموع الهاملة على الثغرات
توجد بائعة ورد تمشي بكُل برود، تبحث عن مُشتري وفي قلبها الخوف يعتري، قوية وصلبة في الظاهر وفي داخلها مُهشم قلبها الطاهر، هذهِ هِيَّ ملك بطلة في عالم قد أنتهك تبحث عن حقيقة صادقة في قذارات الحياة الساحقة..
❐❐❐
"سيسيـليا"
-محتاجة شي؟
فزيت وشهقت التفتت وجهي شاحب حسيت نبض قلبي بعنقي صار مقابيلي كرار يحدق عليه، نقطع صوت أية أول ما نطق كرار أختفى صوتها ونعدم!
-ها خوية محتاجة شي!
-لا لا بَـ بَس رحت للحمام
بلعت ريقي وتركتة وهرولت بسرعة بدون لا أسمع كلامة رُغم وأضح أجة يرد عليه لكن الخوف اعتراني أنتبهت لبنية وأگفة مقابيل أحد بيبان غرف الصالة لازمة الباب وتحدق عليه!
عيونها تلاحقني طول الطريق بنظرات غريبة أستغربت من عدها ما أعرفها ولا شفتها وياهم!
رُغم أعرف ماشا وأية أخوات رائد لكن هاي أول مرة أشوفها هنا حتى بالمُشكلة من كانو يتشاجرون هِيَّ ما كانت موجودة وخصوصًا نظراتها الغريبة ربكتني..
دخلت للغرفة قفلت الباب وصرت خلفة أيدي على قلبي الينبض سريع أني ما أطلع للحمام إذا مو ملك وياي وهسة سالفة أية موتتني من الخوف وكرار ونوب هاي البنية الغريبة كُلش خفت
ضغطت على شفتي السُفلية بأسناني وتقربت للسرير تمددت وتكورت على نفسي ونهمرت دموعي على خدودي تتساقط بغزارة وصافنة بالفراغ
مقهورة شنو ذنبي يصير بيَّ هيچ أخاف أني أخاف من كُلشي وأحس نفسي بغربة شلون راح تخلص مستصعبة الموضوع تمنيت ميتة ولا جاية لبيت رائد بيت ناس غُرباء عليه بيت ناس لا أعرفهم ولا يعرفوني
صح أحتضنونني وكُلهم زينين وياي لكن ميتة قهر ميتة الموضوع مو هين ولا سهل بالدقيقة أموت الف موتة شوكت أتخلص من هذا العذاب ما أعرُف..
ملك أختي وأعز إنسانة عندي بالحياة، مُستحيل يجي شخص أحبة أكثر من عدها ملجأي عافت كُلشي علمودي وأستغنت عن راحتها علمودي تشتغل ليل نهار علمود تجمع الفلوس عني وعنها وتنطيها الهم بَس علمود يتركونه بحالنا لكن همَّ يزيدون ما ينقصون
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
