#البقعة_المحرمة
#الكاتبة_ساره_ جعفر
-لا تنسون التصويت + التعليق بين الفقرات
ومتابعة الحساب لطفًا.
-مشينا مزاعلينك غير تلحگنا؟
❐❐❐
"مـلك"
جالس وحده وجهه مهموم وحزين وعيونه ذبلانه بقهر ويجر حسرات غارق بتفكير عميق صافنه عليه بدون لينتبه الي، گال جُمله صفنتني وهوَّ ما منتبه الي أردف بهمس وكأنما يستذكر حدث بحياته!
-وَإِذَا الْمَوْءُودَةُ سُئِلَتْ بِأَيِّ ذَنْبٍ قُتِلَتْ..
صفنت عليّ بأستغراب شنو معنى الكلام هذا وليش حچاه بهذا الوقت وبوقت حزنه، تحمحمت أنتبه الي ورفع راسه يحدقلي همست
-عادي أدخل
-تفضلي
دخلت ووگفت وأني أعدل بشعري وأطوف الأرجاء بعيوني وبعدها نزلت عيوني عليه والتقت نظراتنا
-بيك شي!
-مثل شنو!
-ما أعرُف أحسك حزين!
-الحزن مچودر بگلبي
بلعت ريقي وعيوني تطوف على ملامحه بقلق جلست بجانبه وهمست بصوت خافت
-ليش
-ما راح تفهمين عليه
-بأي وقت تحب تحچيلي لا تتردد
-تسمعيني!
-أكيد، يمكن ما راح أفيدك بشي بَس صدگني راح أكون الك مُستمعه جيده هواي يحبون يفضفضون الي..
-لأن كلامچ يجيس الگلب
أبتسمت وهزيت راسي وأني أنهض وأسحب نفس عميق
-أخذ راحتك
ما رد عليه وبقى صافن بوجهي وداخل عيونه كلام، عيونه تتوزع على كُل وجهي بلهفه ونظرات غريبه ويبلع بريقه عيونه الصفر تخليني أرتبك طلعت من المُكان وصلت للباب ونداريت أحدق عليّ بعده على نفس نظرته الي طلعت وعفته وحده أحس صدُگ مقهور ومهموم وجرحه كبير..
-كاتيا: ملك
-ملك: عيني
-كاتيا: شوكت نروح للبيت الحچه عنه حيدر؟
-ملك: ما أعرُف، بي بعد شغل يگول..
كرار واگف خلف كاتيا ومتكتف لكن واضح ما سمع حوارنا بعدها كاتيا تريد تكمل كلامها وأردف هوَّ
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
