البقعة المحرمة

Part 38 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

-ما حنيت شلون أيامي تنساهن؟
عيونك من يمرهن خوف مو چنت أبچي وياهن التفاصيل العشتها وياك صعب يم غيرك الگاهن ومن سألوني على أيامنا الحلوات گلت الله على سنينك وترى لمن رحت مجبور ماردت أصغر بعينك..

❐❐❐

"كاتيـا"

السماء مُلبدة بالغيوم، نسمات هواء باردة تحرك خُصلات شعري ببطئ بهذا الوقت المتأخر من الليل القمر متوسط جنح السماء ومنتشرة حولة حُفنة من النجوم..

الشتاء يقترب، والبرد يتسلل لأماكنا، جُملة وحدة كانت كفيلة تشتتنا وتخلينا بحالة صدمة بعد ما نطقها رائد ندار ودخل يتمشى ببطئ محني الراس يشعر بالهزيمة خطواتة ثقيلة وكأنما رجلية بدى ينتشر داخلهن الشلل!!

رجلين سيسيليا خاننها ووگعت على الأرض وهبطت وياها ملك خايفة عليها ولافة أيديها حولها مثل سور مملكة رصين بملامح قلقة ومذعورة، بينما سيسيليا كست وجها علامات الرهبة ونظراتها الصدمة أضطربت أنفاسها وحبست دموعها داخل عيونها

-كرار: هذا من كل عقلة شسوى بروحة!!

-نبيل: المفروض ما ياخذ هيچ قرار وهوَّ عصبي..

أحتقن وجة حيدر بعصبية ولم قبضة أيدة بقوة دخل وره رائد بعصبية ما فلح بأخفاها، واگفة بمُكان أگدر أشوف رائد وحيدر من خلالة والموجودين بره كذلك من خلالة همست بصوت يرتعش وبنبرة مملية غصة

-كاتيا: ملك حاولي تخلينها تحچي لا تدخل بصدمة نفسية

-ملك: خسرها، وبعد بأحلامة ترجعلة..

ما فهمت جُملتها بَس خمنت هِيَّ جاي تهذي من شدة عصبيتها وقهرها من تصرف رائد بَس نسيت هاي ملك ما تحچي حچاية إذا ما تكون قاصدتها وتنفذها..

-حيدر: شنو هل تصرف الغبي؟؟؟

-رائد: لا تتدخل حيدر

-حيدر: كديش

أتحقن وجة رائد بعصبية وخزر حيدر، الجو مشحون رُغم برودة الطقس بَس حسيت بحرارة فضيعة تنتشر بالمُكان لزمت جبيني بكف أيدي بعدني داخل دوامة صدمة وهلع حال سيسيليا وصدمتها بدون دموع ولا كلمة قلقتني