#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.-عيوني إذا شافتك جيب اليغمضها مرتاح يمكن واحس كل الخساير قبل بيك الله عوضها.
❐❐❐
"كاتيـا"
صعدن للغرفة مقهورة وضايجة كُلش الموضوع حز لخاطري من عدى نواحي أولاً أني حبيتة حرفيًا كرار كُلش حبيتة لأن مرت فترة طويلة على علاقتنا وبعد ما فكرت أتقبلة وأبلش أفكر بحياتي الجديدة ونولدت مشاعر أتجاها أكتشفت طليقته..
خصوصًا طليقته غريبة الأطوار صراحةً متعلقة بي تعلق مُريب وأني ما عندي الجرأة أبني سعادتي على تعاسة غيري الموضوع مو هين عندي أبدًا أني كُل اللي ببالي تطلق طلاق طبيعي حالة حال أي يثنين ما تفاهمو أو يمكن يكون سبب بَـــس ما توقعت تعلق شديد من ناحية طليقته أتجاهة!
الموضوع قهرني يعني لازم أني أتجاهل مشاعري كُلها علمود يرجعون لبعض وما أحس نفسي إنسانة مخربة أو مدمرة علاقتهم، أهز برجلي بتوتر ومتكتفة ووجهي محتقن بقهر تناهى لمسامعي صوت طرقات على الباب
-كاتيا: منو
-كرار: ممكن نحچي
-كاتيا: لا مو مُمكن
-كرار: أطلعي من غرفتچ كاتيا عندي حچي وياچ
-كاتيا: نفسيتي ممتقبلة نقاش نهائيًا أتمنى تفهمني
-كرار: أطلعي ونتفاهم
زفرت أنفاسي بملل ونهضت من مكاني بكسل تقربت وفتحت الباب صار بوجهي يحدق على عيوني ووجهي بخوف ونظرات حيرة من شاف وضعي جر نفس طويل وهمس
-كرار: كاتيا أعرف ضجتي من الموضوع و..
-كاتيا: ما أريد أحچي حاليًا رجاءً
-كرار: مو بكيفچ لازم نسولف هسة
تكتفت ورفعت حاجبي متنرفزة..
-كاتيا: تفضل شتريد
-كرار: ماشا سولفتلي رحمة شحچت وياچ وعرفت بيچ تأثرتي بالموضوع أتمنى ما تنقهرين من كلامها ولا تضوجين الله يستر على البنية صار سنين أحنى منفصلين وأتمنى تلگة اليناسبها وأتمنى ما تأثر على علاقتنا
-كاتيا: بَـــس هِيَّ فعلاً خطية..
-كرار: شلون خطية ما فهمت!!

أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...