البقعة المحرمة

Part 16 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات.

-منين نجيب مثلك حتى ننساك؟
ومنو المثلك يعوضك لو خسرنا، الشبه كُل أربعين
أحچايه تنگال، وإذا واحد يصح چان أنتضرنه..

❐❐❐

"مـلك"

مُجرد لحظات مرت نگلبت الدنيا گلاب وتغير الحال أختفت الأبتسامه من وجهي وأعتره الخوف قلبي لحظات غيرت حياتي ضجه بسببها أجيت أفقد السمع ومشهد مروع على آثره أجيت أفقد النطق صوت عالي هز أركان المُكان هز قشعر جسمي من هول الموقف وتخشبت بمُكاني بصدمه وذعر...

طلق ناري توجه بأتجاهنا عطت بخوف فازه على آثر الطلق وهويت للأرض وأيديه ثنينهن على مسامعي غالقه عيوني بخوف ودقات قلبي تتواثب فتحت عيوني ببطئ بعد ما تلاشى من داخلي الذُعر

بهت وجهي وتغيرت تعابيري من الخوف للصدمه تسلل الذُعر لفؤادي حسيت بلساني ما أگدر أحركه وأنطق بحرف وأحد حسيت فقدت النطق تقربت أجر بنفسي جر على الأرض لحد ما وصلت لسيف الواگع على الأرض وغالق عيونه..

سحبت راسه لحضني ومسحت على وجهه بأيدي تدمر وجهه بالتراب من أيديه اليرتجفن أهمس بأسمه بصوت خافت بَس هوَّ يسمعه لكن ماكو جواب ضربت على خده بخفه عسا ولعل يفز وكذلك ماكو جواب!!

-سيف

نزلت أيدي لملابسه من ناحيه صدره وأجيت أسحبه بقوه علمود يگعُد لكن حسيت بحروره قويه بأيدي وشي التصق بيها عقدت حواجبي ورمشت عدة مرات مُتتاليه بصدمه رفعت كف أيدي لنظري أحدق عليها أيدي ممليه بدم سيف!!

صفنت على أيدي لوهله أحدق بدون تعابير ونزلت نظري لسيف وبعدها لصدره وبطنه ببطئ وقلبي ما عاد أحس بي ملابسه ملتصقات على جسمه ومتبدل لونهن للون الأحمر فتحت القميص مالته بقوه نقطعن أزرار القميص وشفت منظر نشف الدم بعروقي

جسمه مثقوب بأكثر من رصاصه بصدره وبطنه ودمه مثل النافوره حار يچوي وينزف بقوه عطت بصوت عالي مفزوعه أشگد توقعت تصير وياي أشياء سيئة بَس مو أشوف أعز ناسي بهيچ منظر خلاني افقد عقلي!!!!!!

لا لا لا مُستحيل سيف ما يتركني مُستحيل يعوفني بهاي الدنيا الموحشه وحدي، لا هوَّ مُجرد نصاب بأصابات وراح يتشافى ما راح يموت أعرُف ما راح يموت سيف ميتركني وحدي مُستحيل يعوفني..

صرت مثل تمثال جامده أحدق عليّ بدون ما أرمش مسحت وجهي بظهر كف أيدي وتقربت عليّ سحبته لحضني وحضنته بقوه مسحت على وجهه وصرت أضرب بخفه على خده وبصيص أمل داخل عيوني بين زحام الدموع التنسكب على وجهي