#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.
-أنه صح أحترگ بَس عندي صبر
مثل دخان الجگاير حوبتي بتالي العمر.
❐❐❐
"مـلك"
جالسه على الكُرسي جسمي متكسر من الگعده طول هذا الوقت الطويل تأفأفت ما عندي شي أسوي والتفكير تعبني أضوح من أبقى أفكر، أفكر رائد ما گعد وبعده بالعنايه المُركزه وباقين متشتتين منتظرينه يگعُد والنوب ندور على سيسيليا وأني خايفه وشاكه أو متأكده صهيب سفرها تقرب عليه نبيل وهمس بصوت خافت
-خل أرجعچ للبيت
-أكيد لا
-هواي تعبتي
-ماكو مُشكله
-على الأقل تعاي وياي لبره تاكلين شي
-ما أشتهي
أردف بنبره حازمه بعد ما كان يحچي بلين
-ملك ما يصير هذا الحچي يعني أنتِ حتى أكل ما جاي تقبلين تاكلين وجاي تتعبين زين أختچ شلون بيها هِيَّ تستمد قوتها منچ لازم تقوين نفسچ..
جريت حسره طويله وفركت وجهي هزيت راسي ونهضت بدون شغف عيوني يوجعني لأن صار هواي ما نايمه تمشينا بره المُستشفى
-أبقي هنا خل أشتري من هذا المطعم القريب وأجي
-لا نبيل گُتلك ما أشتهي أكل..
-شحچينا؟؟
-خلي نشتري صمون مشتهيه أكلها فارغه
هز راسه وأشتره صمون ورجع بأيده كوبين چاي قدملي الكوب بأبتسامه
-ما يصير بدون چاي
-شكرًا
گعدنا أني وياه على مُسطبه قريبه على المُستشفى وبقينا نسولف بأمور عاديه ومرت فتره بين الأكل والسوالف، أتصل عليه رقم غريب أستغربت وبنفس الوقت خفت فتحت الأتصال وسمعت صوت غير كُل مشاعري
-ملك تسمعيني
-أي أي أسمعچ
-ملك تعاليلي فدوه
-أنتِ سيسيليا مو!!
-أي، فدوه تعالي
خفق قلبي بقوه بعد ما سمعت صوتها أول ما نطقت، نهضت ونبيل نهض مستغرب وعاقد حواجبه من سمع أسم سيسيليا بكلامي جحض عيونه
أنت تقرأ
البقعة المحرمة
Misteri / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
