البقعة المحرمة

Part 32 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

-تارس عيوني سمارك يالحبيب..

❐❐❐

"مـلك"

-موافقة تكون شريك لحياتي، وحبيب لروحي، وراحة لأيامي، عوض لتعبي، ونور لظلامي، زلمتي وسيد قلبي..

صفن بعيوني وبلع ريقة تحركت تفاحة آدم وذبلت عيونه

-طول عمري ما فرحت بخبر هلگد..

-تعبتك وياي كابتن..

-يا تعب روحي الأحبة.

أبتسمت أبتسامه عريضه ما گدرت أخفي فرحتي بكلامة، عدلت گعدتي وأبتعدت عنه متحمحمه طلع جگاره من باكيته وهوَّ يستمع الي بعد ما أسترسلت بالكلام

-بَس حيدر عندي شروط

-قابل بيهن 

-بعدك ما سمعتهن؟

-قابل بيهن

-ههههههههه لازم تسمعهن لأن مُهمات

-أسمعچ بَس بكل الأحوال أنه قابل بيهن..

أبتسمت وزحت شعري خلف أذني تربعت مقابيله وبديت أشرحله وهوَّ ياخذ نفس من الجگاره قوي ومضيق عيونه

-أني أريدك وما أريد رجال غيرك، بَس بنفس الوقت ما أريد أتزوج بهذا الوقت حاليًا حياتي ما مستقرة نهائيًا عندي هواي ثارات وعندي هواي مشاكل وهواي ناس أريد أصفي حساباتي وياهم بالي ما راح يبقى مرتاح إذا ما أخذ حقي، حياتي أبدًا ما مستقرة هسة وهوسة ومشاكل وشغلات مُتعبة فلذلك أبد ما أفكر حاليًا بالزواج أريد من نتزوج نستقر ونعيش حياتنا براحة بَس هسة متأكدة ما راح نضوگ الراحة ونعيش بتعاسة..

-أنه وياچ ونسوي كل هذا حتى لو نتزوج!

-لا حيدر، أني حالفة أكمل وعودي والنوب أعيش الحياة اللي أريدها وبعدين متأكدة ما راح يخلونا نعيش براحة أريد أتخلص منهم كُلهم علمود نعيش حياة زوجية مُريحة وأريد أعيشها بكُل تفاصيلها هواي شغلات ما عشتهن فما أريد حتى هاي ما أعيشها..

-والله ملاكي أحلى عيشة أعيشچ بَس خل نتزوج

-أتمنى تحترم قراري لأن مُستحيل راح أغيرة هذا تفكيري وأشوف مو وقت زواج ومناسبات وصراحة ما كنت رايدة أحب أبدًا بَس الحب مو بالأيد فلذلك أحسن قرار هذا بالوقت الحالي