البقعة المحرمة

Part 36 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

الذنب مو ذنبك أنتَ، أنتَ ما عندك ذنب
سلمتلك گلبي بأيدي گتلك العب بي لعب صدگت كل الكلام قصص مليانة غرام چنت بارع بالتمام ومثلت دور المُحب الذنب مو ذنبك أنتَ، أنتَ ما عندك ذنب الذنب ذنب الزمان الجمعني أني بيك لو ذنب گلبي الخدعتة صار لعبة بين أيديك..

❐❐❐

"مـلك"

صراعات داخلية نوم غير مُريح أتقلب بالسرير وداخل راسي أصوات قوية أخترقت أذني أصوات عياط بأسمي وأسم حيدر ما أعرف وين مصدر هذا الصوت بَس صوت مئلوف علية كُلش لدرجة حسيتة ترسخ بعقلي بَس المُشكلة ما جاي أستذكر منو صاحب الصوت المجهول

حلم، أو حقيقة وين أني هسة فتحت عيوني بذعر وفزيت من السرير كأنما راسي كان داخل مي ونقطعت أنفاسي صدري يرتفع ويهبط وصوت تنفسي عالي والعرق يتصبب من جبيني رمشت أكثر من مرة أستوعب شجاي يصير وطفت ارجاء الغرفة بعيني

داعبت أنفي رائحة دخان قوية لدرجة صرت أسعل وأيدي على ثغري عقدت حواجبي بأستغراب، منين جاي هذا الدخان علمًا الغرفة مابيها شي وفارغة بهت وجهي من أنتبهت لأختفاء حيدر بهذا الوقت المتأخر من الليل نهضت من سريري وتوجهت للباب

ليش هيچ الغرفة حارة والأجواء غريبة فتحت الباب وبسرعة فلتت أيدي من المُقبض وعطت متآلمة وصرت أنكث بأيدي بوجع عضيت على شفتي وتماسكت وزادت شكوكي لكن تأكدت من فتحت الباب وندلع الحريق بوجهي..

رجعت للخلف فاتحة عيوني بدون ما أرمش بصدمة، عقلي ما جاي يصدگ بالمنظر الگدام عيني النيران شابة بكامل البيت أكلت الجُدران والتهمت كُلشي موجود گدام عيني أختفى عقلي من راسي وصرت أعيط بجنون

-ملك: حيدرررررر

ماكو اله صوت ولا رد عليه خفت أكثر وحسيت قلبي راح يتوقف نبضة بچيت وعيوني تدور بالمُكان بخوف ماكو مقابيلي غير نار وين راح وليش أختفى شلون ندلعت النيران ببيت هادئ دافئ مُريح مُطمئن، صار بيت مليئ بالموت والنار والخطر حسيت بأيد حارة كُلش كأنما حديدة حارة أجزم حرقت كتفي، فزيت ونداريت للخلف..

-ملك: وين رحت وعفتني وحدي!

-حيدر: ما عفتچ، رحت أشوف مكان نطلع منه..

-ملك: ولگيت!

-حيدر: للأسف لا..

-ملك: شلون هيچ صاااار ما جاي أستوععععب!!!!!