البقعة المحرمة

Part 26 🦅 .

#البقعة_المحرمة

#الكاتبة_ساره_جعفر

-لا تنسون آلتصويت + التعليق بين الفقرات
ومتابعة الحساب لطفًا.

-ظل وياي اريدك والبقن چم يوم
وهل چم يوم صارن حدك وحدي خليني أرد أشوفك گمت أحسك طيف يا عين التكض الطيف اليعدي أخذني وياك أريدك ما أريد الغير وكون بسدك اگعد وتگعد بسدي لا تخليني وحدي منين أعرف الناس لا اگدر اعاشر لا خلگ عندي..

❐❐❐

"مـلك"

-أجيت أخذ مُمتلكاتي..

-ما عندك شي يمييي

-چؤ چؤ عندچ أهم مُمتلكاتي

تخشبت سيسيليا بمُكانها نقطع صوت بُكائها وبقت جامده بين أيديه بعد سماعها لصاحب الصوت عرفته هوَّ صهيب، جسمها صار بارد مثل قطعه ثلج رفعت نظرها وجها أصفر شاحب وعيونها غائرة بالدموع وشفايفها ترتجف لكن مو من البرد لا من الخوف نظراتها كفيلة تفسرلي خوفها..

قهقهه بقوه وضحكه رجت المُكان بالخبث والمكر وأردف بصوت خافت مو مثل عادته بنبره مسايسة مجنون وهمس خلف سيسيليا

-حبيبتي ما مشتاقتلي!

كتمت سيسيليا أنفاسها لدرجه حسيتها راح تموت بين أيديه صارت مثل لوحه مُعلقه على جُدار بدون حركه مثل الجماد بقت لحظات هِيَّ جامده وكأنما تحنطت حضنتها بقوه وهمست بصوت ضعيف خالي من القوه المُعتاده بصوتي، بصوت هش رعبها أكثر ما هدئها

-ملك: اشش لا تخافين لا تخافين أني ما راح أخلي ياخذچ أني وياچ سيسيليا أني موجوده..

ما ردت وعيونها جامده بدون لا ترمش مفزوعه والخوف يتأرجح على ملامح وجها صهيب أبتسم أبتسامه واسعه على وضعنه المُحزن وهمس بطريقه مُستفزة واضح من خلالها جنونه

-هواي بقت عندچ هسة صار دورچ تشتاقيلها..

-مُستحيل أسمحلك تاخذها لو أموت!

-راح أخذها وگدام عيونچ هم..

-صهيب كافي لك كافي السويته بيها مو قليل دمرتها دمرت حياتها خليها تعيش حياتها يا بني آدم شتريد منها ليش مُصر على دمارها!