البقعة المحرمة

Part 24 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

رحتي والبيت ظل هيمه، ومچانچ ما يسده إنسان
رحتي والدنيا صارت سوده من فرگاچ
بعدچ ماكو بيها ألوان، بعدچ عايشه ويانا
ونشوفچ دوم ومن نگعد نعوف مچان
أرجعي ترا متانيچ مو بس أنا حتى البيت والحيطان
يا وسفه أنتِ عنا بعيده، ويا وسفه الوكت خوان
خذاچ وعافنا متيهين خذاچ وفرح الدفان
يا ريت بحلم هذا الصار وافز والگاچ يمي وفاكه الذرعان..

❐❐❐

-مـا شـاء الله "ماشـا"

"حيدر كشمس الظهر في فصل الصيف".

-حيدر: عفيه وليدي لا تنسى أنه چتال أبوك..

أنقطعت الأنفاس فجأة بعد سماع القُنبله الفجرها حيدر فتح جروحهم واستهزاء بمرحومهم أحتدت ملامحهم بغضب والحقد ملى قلوبهم عيونهم دم من غيضهم

الچبير مالتهم واگف مقابيل حيدر ويمطر عليه بنظرات الكره وخلفه مجموعه زلم هواي كلهم أخوانه وكلمته سيف على أرقابهم مثل كلمة حيدر علينا..

ماكو بعقولهم غير حيدر يردونه
وبَس يردون يوصلوله بأي طريقه مهما كانت..

-حيدر: فتحت جروحك مو حازم؟

-حازم: وجلال الله الطخ أهلك بدمك

-حيدر: مثل ما لطختك بدم أبوك؟

جحض عيونه حازم متخبل من سمع كلام حيدر رفعله حاجبه حيدر مع أبتسامه جانبيه أستفزازيه

-حيدر: روح منا وليدي بدون مشاكل

-حازم: ما چنت أدري بيك هنا بَس الله جابك..

-حيدر: على أساس ما چنت تندلني