#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات.
-ماكو واحد يقرأ حزنك نام يالمتعوب وحدك.
❐❐❐
"ماشـا"
فتحت الباب وتصنمت بمكاني، صفنت على الغرفة بلعت ريقي بصعوبة وبدت تظهر علامات الهلع على وجهي، رخيت أيدي من مقبض الباب وحسيت ثقل على أجفاني رمشت أكثر من مرة أستوعب وعطت بصوت عالي من خلالة تجمعو الكُل بالغرفة!
أردف رائد وهوَّ صافن حالة حالي على الغرفة وفكة يرتجف وعيونة حايرة تطوف المكان..
-رائد: سيسيليا وييين!
-كرار: خاف بالحمام؟
-ماشا: ما تطلع خطوة من غرفتها إذا مو وياي!
-آية: رايحة أدور عليها بالبيت
-ماشا: جاية وياچ
-زهرة: دورن البت بساع وين راحتتت!!!!
ماكو مكان بالبيت ما دخلنا اله ودورناها بي، بكل زاوية وبكل مكان البيت كلة دورتة عليها ماكو البنية فص ملح وذاب وقلبي يرتجف خوف عليها وين راحت وشصار وياها!
التقيت بآية بعد ما فقدت الآمل الگاها أو أشوفها، ودورت كُل البيت زاوية زاوية وغرفة غرفة صارت عيني على آية متشحة ملامحها بالعبوس حالها حالي!
حدقت عليه منتظرة جاوب يجردها من عبوسها هزيت راسي بخيبة ضغطت شفايفها مع بعض بخوف من الراح يصير..
طلعنا من المكان ورحنا لباب غرفتها المتجمعين عليّ الكل ومتجمهرين واگفين ينتظرونة لحظة لحظة نجي أول ما دخلنا فز رائد من مكانة يدورها ويانا سُرعان ما تجسدت خيبة الآمل بعيونة
-سُبطين: وين راحت البت!!!
-زهرة: دخيلك يا ابو الحسنين شصار!
-رحمة: خاف باگتنا وشردت؟؟؟
-كرار: أنتِ عندچ عقل براسچ!
-رحمة: والله العظيم هسة تطلع باگت فلوسنا وذهبنا وشردت من البيت روحي ماشا شوفي ذهبچ وأنتِ عمة شوفي فلوسچ
رائد بعد ما كانت نظراتة متوجهة على الأرض صافن محتار رفع نظرة بعد كلامها وحدق على رحمة بنظرة مابيها رحمة، بحقد وغيض وكراهية..
وبلحظة وحدة صار مقابيلها وهوَّ بُركان ثائر تقرب عليها وهوَّ فاقد وجرها من شعرها على الحايط وعاط بوجها بصوتة الحاد والخشن بكلمات رجت أركان المكان رج
-رائد: ويييييين سيسيلياااااا
-رحمة: شش شمدريني؟؟
-رائد: الچ أيد بالموضوع شسويتيلهههها
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
