البقعة المحرمة

Part 27 🦅 .

#البقعة_المحرمة

#الكاتبة_ساره_جعفر

-لا تنسون التصويت + التعليق بين الفقرات
ومتابعة الحساب لطفًا.

-لا تسولفيلي على حزنچ أنا أفهمچ، وما عليچ من المسافه حتى لو نحچي برسايل أنا يمچ، ولا تخافين عليه أنتِ ولا يهمچ، أنا حزني يضيع من أندل ضحكتچ..

❐❐❐

"كاتيـا"

جالسه بالصاله أقلب بالجهاز والبنات تأخرن كُل ظني غيرن قرارهن وراحن لبيت سيسيليا رُغم أتصلت عليها أكثر من مره ماكو جواب..

أجتي رساله من رقم دولي ومن أسلوبه طبعًا عرفته منو.

-السلام عليكم، شلونچ شخبارچ أمورچ أن شاء الله بخير ظل بالي يمكم

-وعليكم السلام أهلاً وسهلاً أبو كرار، الحمدلله بخير أنتَ شلونك؟

-الحمدلله، ولو سببت الچ أزعاج بَس أتصل على ملك ماكو وبقى بالي يمها صاير وياها شي بيها شي سولفلي لا تضمين عليه..

ضحكت يعني هاي المراسله كُلها علمود ملك بنص شغله ويفكر وياها وباله عليها نيالچ ملك، طبعًا أني وحيدر متبادلين الارقام بَس ولا مره حاچين مع بعض على التلفون عدلت گعدتي وكتبتله..

-لا ما صاير شي طلعت هِيَّ وأختها من البيت

-يا أختها، هِيَّ ما عدها تواصل وياهم؟؟؟

-عدها أخت متزوجه، كُلش حبابه ومؤدبه يعني مو مثل البقيه وصغيره ويمكن راحت هسه وياها لبيتها..

-أها زين إذا هيچ، الحمدلله ما صاير وياكم شي؟

-أي ما صاير شي

-إذا صار وياچن شي مو تنسين تنطيني خبر!