#البقعة_المحرمة
#الكاتبة_ساره_جعفر
-لا تنسون آلتصويت + التعليق بين الفقرات
فضلاً وليس أمرًا متابعة الحسآب.
-شفتها تلوگلي ولايگ عليها بأول نظرة صارت روحي بيها.
❐❐❐
"مـلك"
واگفين بالمطار بعد ما صار وقت سفرنا، أجينا قبل موعد طيارتنا بوقت قصير علمود ما تفوتنا الطيارة رائد وسيسيليا گاعدين على الكراسي ورائد محاوطها بأيدة صافن عليها ويهمس الها بصوت ناصي سيسيليا متخاوفة وطول الوقت ساكتة وساكنة بمُكانها وتفكر أعرف بيها تخاف من الأماكن المُرتفعة وكذلك خايفة من مصيرها المجهول..
قبل لا نروح ودعونا نبيل وكرار وكاتيا هواي وصيت كرار على كاتيا وطلبت منه يدير باله عليها، وهوَّ فرحان أنُ راح يصير مسؤول عليها واضح عليه هل شي بَـــس ما بين ودعت كاتيا ورحنا للمطار دقايق ويصير موعد الطيارة أشرت السيسيليا تجي يمي
-ملك: سيسيليا تعالي يمي
-رائد: ليش تجي يمچ شنو مميزاتچ؟
-ملك: مفعلة نت، غير أختها
-رائد: نچبي لا تجي يمچ ولا تجين يمها
-سيسيليا: ليش تريد تفرق شملنا!
-رائد: ما أحبها هاي مسمومة خل تولي لا ترحين يمها
-ملك: أهووو شلون أحنى بالغول اليحشر نفسة
-حيدر: كافي لا تتچالبون
-رائد: چا ما تكض مرتك
-حيدر: هِيَّ وأختها شعليك أنتَ!
-رائد: ليش تقطع علينا لحظاتنا!
-ملك: عفوًا يا لحظات، شنو داخلة لغرفتكم غير راح تگعدون وتسكتون!
-رائد: وأنتِ شلچ غرض؟؟؟
-ملك: أريدها يمي، لأن تخاف من المُرتفعات
-رائد: وأنتِ راح تشيلينها على ظهرچ؟
-حيدر: وتاااالي
-ملك: الله العالي
-حيدر: عيب تتعاركون گدام الوادم
-ملك: أگُلك حيدر عود أنتم ليش نسيتو تربون أخوكم الغول!
-حيدر: أمي الظاهر راح من بالها تربي
-رائد: ها حيدر أبو عيون الصفر ها، طلعت أخو مرتك
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
