#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات.
❐❐❐
-ما شاء الله "ماشـا"
فزيت وطبگت الباب بوجهة گلبي يدگ وجهي صار أصفر من الخوف صفنت هذا شجابة وشيسوي هنا ولا توقعت اشوفة تقربت عليه ولاية ونترتني من أيدي رفعت نظري من الأرض الها صفنت عليها
-شكو ششفتي سُبطين لو طنطل؟؟
-ما شفت سُبطين
-چا منو!
-نبيل
-ياا هذا مو صاحب رائد؟
-أي هوَّ..
-شجابة هذا الزلمة
-ما أدري ما أدري
-أنتِ عليمن خايفة هسة؟
-شنو عليمن خايفة، أول شي رجال غريب وأنه أخاف أفتح الباب لزلم غربة علية عبالي سُبطين بَس هذا ما أدري منين طلعلي فزيت فزة گلبي أجة يوگف، والنوب گلبي وگع خايفة على رائد ليش أجة إذا رائد مابي شي أكيد صاير ويـ رائد شي!!!
-يا ولچ هبطتيني شبي
-ما أعرف راح أموت من الخوف علية
-هسة شلون!
-النوب هذا نبيل اللي يكرهونه أهلي وسامعة عنه بلاوي..
-يمكن أهلچ ما يعرفونة زين!
-نچبي چا هسة أنه أريد أناسبة
-هم صدگ، بَس هوَّ صديق رائد
-أي لهذا السبب جاي أگلچ عيب فتحتلة الباب
-يلة ما تدرين عادي عبالچ أخوچ
-أي عبالي سُبطين..
-ولچ الرجال شتلتي بالباب
-خل أروح أصيح أمي تطلعلة
رحت لأمي گاعدة بالصالة تباوع للبلازمة أنطيتها خبر وجها صار ينطي ألوان بگوة گدرت تگوم من مكانها من الخوف خافت على رائد بي شي زلغت خدها
-ولچ رائد وياه لو لا
-لا وحدة
-دهر دهرني
راحت بسرعة للباب تحچي وياه وأني وولاية واگفين على جهة ثانية أريد أسمع بَس ماكو صوتة بعيد، نداريت عليها بخوف
-تگولين ليش أجة
-لا تخافين مو اله رائد بي شي يجوز على شغلة ثانية
-أي بلكي
شوية ورجعت أمي بأيدها أشياء رحت عليها بسرعة خايفة وأيدي على گلبي وأباوع لحلگها منتظرة تحچي
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
