#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات
ومتابعة الحساب لطفًا.
-لو تدري، لو تدري بمعزتك والله لو تدري
لأن يگضي العمر ما أصيحلك عمري..
❐❐❐
"كاتيـا"
مرت فترة قصيرة أني گاعدة وحدي بالصالة وحيدر وملك وحدهم بالغرفة، دخل كرار ودگ باب الصالة نداريت علية وقلبت نظري
-تفضل
-الچفن
-أهوو
-أكو وأحد يستقبل أحد ببيتة هيچ؟؟
نهضت من مكاني ورحت وگفت مقابيلة
-تفضل
-صلاوات
-شتريد؟؟
-حيدر دز هذني
-حيدر مو جوة!
-أي قبل لا يجي السيد گال أجيبلكم هاي الغراض
-تمام شكرًا
أخذتهن من أيدة ورحت للمطبخ، أجاني صوتة
-أطب؟
-أتفضل..
أجة وراي للمطبخ، تركت الغراض على الطاولة وهوَّ صفن علية
-أگلچ ماعدكم ماي
-لا عايشين على الهوى
-فدوة لله دمچ خفيف
-يعني منو ما عنده مي؟
-قصدي أريد ماي
رحت صبيت اله من البراد مي بگلاص وقدمتة اله
-تفضل
-شو من وره خشمچ!
-أگلك أنتَ تريد تتعارك؟
-طالب منكم بطل دم!
-دروح كرار روح خطية لا نخرب فرحتهم بعركنا..
-الشگرة شقصدچ أنه أدور مشاكل؟؟؟
-شبيك اليوم لطشت تريد تتعارك
حدقلي بطرف عينة ورن جهازة بعده ما مجاوبني تحمحم وفتح الأتصال، وعدل الكاميرا وتغيرت نبرة صوتة
-كرار: هلا بالعزيزة
-زهرة: هلا بيك يما
-سُبطين: صار ساعة أدگ عليك ليش ما ترد
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
