#البقعة_المحرمة
#الكاتبة_ساره_جعفر
-لا تنسون التصويت + التعليق بين الفقرات ومتابعة
الحساب.
أبقي يمي صرت أشوف الدنيا بيچ
الدنيا ما توگف على أحد بس أشو وگفت عليچ!
❐❐❐
"مـلك"
سماء باللون الرمادي الباهت، برد يُثلج العظام، أمطار خفيفه ترشق الأرض، ضباب يعلو النوافذ، هدوء يطوف الأرجاء، وشاح لافته على أكتافي ومتكتفه ببرد..
بهذا الوقت المتأخر وبداية صباح ماطر كُلهم غارقين بنوم عميق أني الوحيده مستيقظه البنات بعد ما دخلن للغرفه بآخر حديث النا مع كرار نامن، اله أني ما گدرت أنام لأن بيَّ طبع محلو إذا أنام بعد ما أگعُد وإذا أگعُد بعد ما أنام وهسه أني واگفه مقابيل الباب أحدق للجو وحدي مثل البومه
حياتي صايره مُتعبه وعباره عن نوم وتعب دائمًا مو مصحصحه وروحي لعبانه من كُلشي عقلي قافل ما يستوعب وفاة سيف ولا قابل يتقبلها المُكان هدوء وتفكيري الشيطاني بده يتغلب عليه..
ثار سيف مُستحيل أتركه ولا أقبل أخلي دمه يروح للگاع بَس بنفس الوقت مُستحيل أسوي خطوه غبيه لازم تصرفات موزونه علمود أخذ حقه فعلاً ما أريد أموت وقاتل سيف عايش!
أريد أخلي دم كمال يسيح على الأرض وينگعها بدمه مثل ما صار بدم سيف أريد روحه تفرفح وأقهره وأذي بَس شلون ومنين أبدي هاي الخطوه الأولى المفروض أركز بيها..
كاتيا وحيدر إذا ساعدوني فما راح أنسى فضلهم للكفن وإذا ما ساعدوني عادي أني أسوي المُستحيل علمود أوصل لكمال الزمال على گولة حيدر
رحت للمطبخ شربت گلاص مي وسمعت صوت باب البيت ينفتح عرفته حيدر لأن محد عنده مفاتح البيت غيره طلعت من المطبخ مبتسمه وگفت مقابيل باب الصاله أحدقله..
دخل للبيت لابس لبسه كامله باللون الاسود وكوت اسود طويل كُلش لايگله وحلو عليه قفل الباب وندار صارت عينه عليه أبتسملي ونزل حواجبه بأستغراب
مستغرب وجودي بهذا المُكان وبهذا الوقت تحديدًا مسح على شعره للخلف وتقرب عليه مبتسم نزع حذائه وتقرب دخل رحت جبتله مي وقدمته اله أخذه مني وتشكرني بأمتنان ضحك وگال
-شعجب گاعده شنو منتظرتني!
-من وره أخوك گعدت وبعد ما أخذت عيني نوم
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
