#البقعة_المحرمة
#الكاتبة_ساره _جعفر
-لا تنسون التصويت + التعليق بين الفقرات.
فِي يومِ فُقدانَك..
وَجدتُ نَفسي تَائِهاً !
هَمي كَالجِبالِ عَالياً
قَلبِي يرتَجفُ خَائِفَاً
مَاذا جَرى يا تُرى !
لِمْ لا يَدخُل الفَرَحَ دِيارَنا
ودائِماً يَبقى الالمُ يَنخُرُ
عِظــامنا
فُقدانَك...
آه مِن فُقدانَك !
مُرٌّ الزَمانَ مِن دونِ عِنوانَك
هَل سَتعود ؟
أم أنهُ حَان اليوم المَوعود
❐❐❐
"لبـوة"
-حيدر: كمال..
صار هدوء رهيب بالمُكان كُلنا صفنا عليّ أني وكاتيا ما مفتهمين بَس ملك تعابيرها تختلف عنا صفنت صفنه مطوله بالفراغ وابتلعت ريقها بصعوبه ما متخطيه الصدمه وحيدر عيونه ما شالهن عنها من أول ما گال أسم كمال وكأنما يريد يشوف رد فعلها..
-كاتيا: منو كمال أول مره أسمع بأسم هذا الشخص؟
عاقده حواجبها بغضب تريد جواب لكن حيدر ما جاوبها وبعده مُستمر يحدق على ملك بهدوء همست ملك بصوت خافت وعيونها بعيونه
-ملك: كمال أبوك!
هز راسه مستحسف جحضت عيوني بصدمه عزه عقلي وگف شلون كمال أبو حيدر قتلهم مية سؤال اجه ببالي بلحظه وحده قاطعت حبل أفكاري كاتيا من نهضت من السرير بصعوبه وأيدها على بطنها لازمه مُكان عمليتها لأن خياطاتها جديده وتقربت على حيدر بغضب عاطت بوجهه بتهجم
-كاتيا: شنو أنتَ تضحك علييييه!!!
ما رد عليها حيدر صارت تغلط بدون وعي وأدراك فقدت عقلها وأبد ما گدرت تسيطر على نفسها من عرفت حيدر أبن قاتل أخوانها ونحرق قلبها صارت ما تعرف شنو تسولف من قهرها وأني مصدومه شلون أبو شلون حيدر ساعدهن تقربت عليها ملك وأردفت بنتر
-ملك: كاتيا كافي
-كاتيا: شنو كاااافي لچ أبن قاتل أخواني واگف گدامي بكُل عييين صلففففه!!!!
-ملك: أنتِ گلتيها أبو مو هوَّ!
-كاتيا: دتدافعييييله؟؟ لچ أخوچ مات بسبب أبو!!!
عاطت ملك بيها بصوت عالي وصارت ترجف من تذكرت سيف
-ملك: لا تحچين شي أنتِ ما فاهمتتته
رفعت حاجبها كاتيا متنرفزه وتكتفت تحدق على ملك بينما حيدر صفن على ملك ومن كاتيا تجاوزت عليّ أبد ما جاوبها ولا حتى رد على كلامها ساكت طلع من الغرفه عافهن على راحتهن وهم حسيته منحرج وثنينهن متملكهن الغضب والحقد
أنت تقرأ
البقعة المحرمة
Mystery / Thrillerأهلاً بكُم في بقعتي أهلاً بكُم في حافة الموت والنهاية أهلاً بكُم في عالم الحرمان والخطايا ستشهدون ما لم يكن فالحسبان ستشهدون ما كان بالأمس أسرارًا وخفايا تقدّم تقدّم نحو الظلام تقدّم تقدّم نحو ماكان بذهنك أحلام وكان في واقعي حقيقةً وآلام أهلاً...
