ဘက်စုံတော်တဲ့ အလယ်လမ်းကစားသမားလေး

Part 112

အပိုင်း (112)

လေ့ကျင့်ရေးပွဲစဥ်အဆုံးသတ်သွားပြီးနောက် ချန်းရှင်းကလည်း heroများကို လေ့ကျင့်ခြင်းဖြင့် သူ့ကိုယ်သူ နှစ်မြှုပ်ထားလိုက်သည်။

Maskman heroပေါင်း များစွာရှိ၏။ သူယခင်က သူ့ဆရာ၏ အနောက်မှလိုက်ကာ junglerအဖြစ် ကစားခဲ့ပြီးနောက် maskmanသို့ ပြောင်းရွှေ့ပြီးသည့်အခါ ပြိိုင်ပွဲများတွင် မကြာခဏ သုံးသည့် heroများကို ထုတ်နုတ်ကာ လေ့ကျင့်ခဲ့သည်။ သူ၏hero pullက ထင်သလောက် မနက်သေးချေ။ ထို့ကြောင့်သူက ယဲ့ရှောင်းယန်လိုမျိုး ဘက်စုံမတော်သေးချေ။

အနိုင်ရသည်အထိ အသယ်ခံရခြင်းက အတော်လေး ကောင်းမွန်သော်လည်း သူက ဂိမ်းပွဲတိုင်းလိုလို ထိုသို့ အသယ်ခံရပြီး အနိုင်ရရှိရန် စောင့်နေ၍ မရချေ။

ပို၍ဆိုးသည်မှာ ဒီနေ့ ကိုရီးယားမှ TIPနှင့် လေ့ကျင့်ရေး ပွဲစဥ်ကလည်း သူ့အား တစ်စုံတစ်ရာကို ရှင်းရှင်းလင်းလင်း နားလည်သွားစေခဲ့သည်။ အနာဂတ်ပြိုင်ပွဲများက အင်အားကြီးသော အသင်းများနှင့် ရင်ဆိုင်ရသည့်အခါ သူက ထျန်းဟွမ်၏ အားနည်းချက် ဖြစ်ကောင်းဖြစ်သွားနိုင်ပြီး ပြိုင်ဘက်က သူ့နေရာမှ စတင်ကာ အပြောင်းအလဲဖြစ်အောင် ချိုးဖြတ်တက်ရောက်ရန် ကြိုးစားပေလိမ့်မည်။

သူကိုယ်တိုင်ကလည်း လူတိုင်းကို ဆွဲထား၍ မရချေ။

ယဲ့ရှောင်းယန်နှင့် ချန်းရှင်းတို့၏ ထိုင်ခုံက ဘေးချင်းယှဥ်လျက် ဖြစ်သည်။ ထို့ကြောင့် သူက ဘေးသို့ လှည့်ကြည့်လိုက်သောအခါ လူငယ်လေး၏ မျက်နှာက လေးနက်နေကြောင်း မြင်လိုက်ရသည်။ သူ၏ အကြည့်က ကွန်ပျူတညဖန်သားပြင်ပေါ်တွင် မြဲမြံနေသည်။

ကွန်ပျူတာ ဖန်သားပြင်က လေ့ကျင့်ရေးmodeကို ပြသနေသည်။ ချန်းရှင်းက လက်ရှိအချိန်တွင် minionများကို မည်သို့ farmလုပ်သင့်ကြောင်းနှင့် နည်းပညာများကို လေ့ကျင့်နေသည်။ သူကလည်း သူယခင်က leagueတွင် မကြာခဏ ကစားဖူးခဲ့ခြင်း မရှိသေးသော maskmanများကို လျှို့ဝှက်ကာ လေ့ကျင့်နေခြင်း ဖြစ်သည်။

ယဲ့ရှောင်းယန်၏ နှုတ်ခမ်းထောင့်စွန်းများက ထိန်းချုပ်ရန် ခက်ခဲလောက်အောက် ကော့တက်သွားသည်။ သူကလည်း ချီရှို့၏ လက်ထောက်ကို အလွန်သဘောကျနေသည်။ ထိုကောင်လေးက ကြိုးစားချင်စိတ် ပြင်းထန်သည်။ seasonမစတင်ခင်က ယဲ့ရှောင်းယန်နှင့် ချီရှို့တို့၏ နေ့တိုင်းလိုလို နှိပ်စက်ခံခဲ့ရပြီး အကြိမ်ရာပေါင်းများစွာ သေဆုံးခဲ့၏။ ထိုသို့ဖြင့် ချန်းရှင်း၏ သေနည်းတစ်ရာဆိုသော ချွီကျန်းက တည်းဖြတ်ထားသော vdက အဆက်ပေါင်းများစွာ ရှိနေလေရာ seriesပင် ထွက်၍ ရသည်။