အပိုင်း (113)
ည၇နာရီတွင် group aမှ နောက်ဆုံးပွဲစဥ်က တရားဝင် စတင်သည်။
"ဒီနေရာကို ကြည့်ရှုဖို့ ရောက်လာကြတဲ့သူတွေအားလုံး မင်္ဂလာညနေခင်းပါပဲ၊ ငါတို့ရဲ့ ရာအန်း esport စင်တာကနေ ကြိုဆိုပါတယ်၊ ဒီနေ့ကတော့ official စစ်နတ်ဘုရားများ စစ်ပွဲရဲ့ pro leagueရဲ့ ပုံမှန်season က round 2ရဲ့ ၅ပတ်မြောက် ပွဲစဥ်ပါပဲ၊ ထျန်းဟွမ်နဲ့ လော့ရှန်းသျန်ရဲ့ ရလဒ်အခြေအနေကပဲ group aကနောက်ဆုံး ဖိုင်နယ်ရဲ့ အဆင့်သတ်မှတ်ချက်ကို အတည်ပြုပေးနိုင်မှာပါ"
"ကောင်းပြီ ဆက်ရအောင်၊ နှစ်သင်းလုံးက ငါတို့ရဲ့ ကစားသမားတွေကို မိတ်ဆက်ပေးကြမယ် "
ထင်မြင်သုံးသပ်ချက်ပေးသူ ၂ယောက်လုံးက လျင်မြန်စွာဖြင့် လူတိုင်းကို မိတ်ဆက်ပေးသည်။
အသံလုံခန်းထဲတွင် လူတိုင်းကလည်း ရသောအချိန်ကို အရယူပြီး သူတို့၏ ကွန်ပျူတာများကို စီစဥ်နေလိုက်ကြသည်။ နည်းပြလင်းက လူတိုင်း၏ အနောက်တွင် လက်ထဲတွင် မှတ်စုစာအုပ်ကိုင်လျက် ရပ်နေသည်။
ထျန်းဟွမ်မှ ကစားသမားတိုင်းက အနည်းငယ်မျှပင် ထိတ်လန့်ပုံမပေါက်ချေ။ ချန်းရှင်းကပင် ပွဲစဥ်များအတောအတွင်း ပျောက်ဆုံးနေခဲ့သည့် တည်ငြိမ်မှုနှင့်အတူ ခပ်အေးအေး ပြုံးနေသေးသည်။ သူတို့က ဒီတစ်ပွဲ ရှုံးမည်ဆိုလျှင်ပင် ၄ပွဲဆက်တိုက် နိုင်ထားပြီးသား ဖြစ်သည်။ ထို့ကြောင့် သူတို့က အဆင့်တက်ကိုတက်ဦးမည်ဖြစ်သည်။ ထို့ကြောင့် ကစားသမားများက ဖိအားအများကြီး မရှိကြချေ။
"နှစ်သင်းလုံးက အဆင်သင့်ပြင်ကြမယ်၊ ကောင်းပြီ အရင်ဆုံး ပထမတစ်ပွဲရဲ့ pick and banစင်မြင့်ကို စတင်လိုက်ရအောင်"
ဂိမ်း၏ interface က ဖန်သားပြင်ကြီးများတွင် ပေါ်လာသည်။ လော့ရှန်းသျန်က ပထမတစ်ပွဲတွင် အပြာအသင်းဘက် ရောက်သွားသဖြင့် ပထမဦးဆုံး banပိုင်ခွင့် ရှိသည်။
သူတို့၏ first banကလည်း ကောင်းချီးပေး ဘုန်းတော်ကြီး ဖြစ်သည်။ ထိုအထောက်အပံ့က ထျန်းဟွမ်၏ အရှိန်နှုန်းခြားနားမှုကို ဖန်တီးပေးနိုင်သည့် ဗျူဟာတစ်စိတ်တစ်ပိုင်း ဖြစ်လေသည်။ အလားတူစွာပင် လျင်မြန်စွာ ရွေ့လျားနိုင်သည့် ပုံရိပ်ယောင်ပညာရှင်ကို ပေါင်းကာ သုံးနိုင်သည့် အသင်း comboမှ သော့ချက်ဖြစ်နေသေးသည်။ သူ့ကို banလိုက်ခြင်းအားဖြင့် ထျန်းဟွမ်၏ comboနှစ်ခုကို လွှင့်ပစ်လိုက်သလို ဖြစ်သွားနိုင်သည်။
YOU ARE READING
ဘက်စုံတော်တဲ့ အလယ်လမ်းကစားသမားလေး
Romanceဘာသာပြန်သူ - စွဲညို့အသင်း။ တစ်ဦးတည်း ပြန်ဆိုခြင်း မဟုတ်ပါ။ ရုတ်တရက်ကြီး ABO လောကကို ကူးပြောင်းလာတဲ့ ပရိုကစားသမားလေး အကြောင်း ဖြစ်ပြီးတော့ ဖယ်ရိုမုန်းတွေနဲ့ ရုန်းရကန်ရ.. မသိနားမလည်ခြင်းတွေကြောင့် အံ့ဩရ မှင်တက်ရ ရယ်မောရတဲ့ ဇာတ်လမ်းလေး ဖြစ်ပါတယ်။ Esp...
