As Blind as A Mole (Complete)

ABM -35

ဆေးရုံရောက်တော့ အရေးပေါ်အခြေနေမို့ ကျန့်ကျန့် OG ကလဲ အဆင်သင့်ရှိတာမို့ ခွဲစိတ်ဖို့အမြန်ပြင်ကျရတော့သည်။

"ဘယ်လိုဖြစ်ရတာလဲကွယ် ခုနလေးတင်မှ ဆေးခန်းပြပြီးပြန်သွားတာကို"

"ဘာဖြစ်ကျတယ်ဆိုတာတော့ ကျွန်တော်လဲမသိဘူး ဒေါက်တာ သူတို့တွေအိမ်ထဲကပြေးထွက်လာကျတာထင်တယ် ခြံထဲကွေ့ဝင်လာတဲ့ ကျွန်တော်ကားကြောင့် ကျန့်ကျန့်ကလန့်ပြီး ပြေးလာရာကအရှိန်နဲ့လဲကျပြီး ဒီလိုဖြစ်သွားတာပါပဲ"

"ကဲပါ ဘယ်လိုကြောင့်ဖြစ်ဖြစ်ပေါ့ ဆရာကြီးတို့အစွမ်းကုန်ကုသပေးမှာပါ ခွဲခန်းပြင်တော့ ဆရာမ"

ဆရာဝန်ကြီး ချန်မင်းကိုအကျိုးအကြောင်းမေူပြီးတာနဲ့ ခွဲစိတ်ဖို့ပါ အရေးပေါ်ပြင်ဆင်တော့သည်။

"ဟုတ်ကဲ့ ကျေးဇူးတင်ပါတယ် ဒေါက်တာ ကျန့်ကျန့်လေးကို ရအောင်ကယ်ပေးပါနော် သခင်လေးကလဲ သတိမကပ်တော့ သူ့ကိုလဲဆေးချိတ်ပြီးခဏအိပ်ခိုင်းထားရတယ်"

"အေးပါကွယ် စိတ်ချပါ ဆရာကြီး အကောင်းဆုံးဖြစ်‌အောင် ကုသပေးမှာပါ"

ကျန့်ကျန့်ခွဲစိတ်ဖို့ ခွင့်ပြုလက်မှတ်ထိုးပေးရင်း ခွဲစိတ်ပေးမယ့် ဆရာဝန်ကြီးမေးတာကို ချန်းမင်အပြေးအလွှား ဖြေပေးနေရတယ်။နောက်ဆက်တွဲ အလုပ်တွေကအများကြီးရယ်။

'ဘာတွေဖြစ်ခဲ့ကြတာလဲ ညီလေးတို့ရယ်'

အဝေးရောက်နေတဲ့ သခင်ကြီးနဲ့သခင်မကြီးကိုလှမ်းအကြောင်းကြားတော့ ချက်ချင်းပြန်လာမယ်ဆိုလို့ လေယာဉ်လွှတ်ပေးလိုက်ရတယ်။

အိမ်တော်ထိန်းကိုလဲ ရိပေါ်နဲ့ကျန့်ကျန့်အတွက် လိုအပ်တာတွေယူပြီး ဆေးရုံအမြန်လိုက်လာခဲ့ဖို့မှာရသည်။အိမ်မှာ ဘာတွေဖြစ်နေလဲဆိုတာ အိမ်ထိန်းကြီးကိုမေးမှပဲ သိရတော့မှာ။

အိပ်ဆေးအရှိန်နဲ့ အိပ်နေရာကနေ...

"ကလေး !!!!"

"သား သားလေး နိုးလာပြီလား?"

"မား ကလေး ကလေးရော ဟင် ကလေးဘာဖြစ်သွားသေးလဲ သွေးတွေ! သွေးတွေနဲ့ ကလေးမှာ သွေးတွေနဲ့ မားရဲ့!"