As Blind as A Mole (Complete)

ABM -5

ဒီလိုနဲ့ ကိုကိုတို့နဲ့ခင်ပြီး တစ်ပတ်အကြာမှာပဲ ကျိရန်နဲ့ဟောက်ရွမ်းကောက ပြေလည်မှု့ရပြီး ချစ်သူတွေဖြစ်သွားကြသည်။အစတည်းက ချစ်နေတာကို မူနေတဲ့ကောင်လေ..

သူတို့၂ယောက်ကိုမြင်ပြီး တအား အားကျမိပါတယ်။ကိုကိုနဲ့ သူလဲ အဲ့လိုသာချစ်ကြမယ်ဆို ဘယ်လောက်ကောင်းလိုက်မလဲ။ဆုတောင်းတွေတကယ်ပြည့်တယ်ပဲ ပြောရမလား မသိ...တနေ့မှာတော့..

"ကျန့်ကျန့်"

ရိပေါ် အနားမှာထိုင်နေတဲ့ အကောင်ပေါက် ကိုခေါ်လိုက်မိတယ်။သူတို့၂ယောက်က ဟောက်ရွမ်းတို့ခြံထဲလာ date နေတာကို ကျန့်ကျန့်က ကျိရန်နဲ့ပါလာပြီး သူကတော့ ခြံအလုပ်တွေဝိုင်းကူပေးရင်း စောင့်ပေးနေရတာ။ခုလဲအပင်အောက်ထိုင်နေတုန်း ကျန့်ကျန့်ကိုစကားစ,လိုက်မိတာ။

"ဟုတ် အစ်ကို ပြောလေ"

ဒီကောင်လေးကို သတိထားမိတာကြာပြီ ကျိရန်နဲ့ သူငယ်ချင်းတွေဆိုပေမယ့် သူက ကလေးပိုဆန်သလိုပဲ။ဝတ်လိုက်ရင်လဲ T-shirt ပွပွတွေနဲ့ ဒူးကျဘောင်းဘီတို‌လေးတွေနဲ့တွဲဝတ်တတ်သည်။ ခေါင်းစွပ်အ‌နွေးထည်တွေနဲ့ဂျင်းပန်ပွပွလေးတွေကြောင့်အဝတ်ပုံထဲနစ်နေတဲ့ ယုန်ဖြူလေးလို တအားချစ်ဖို့ကောင်းတယ်။ရီလိုက်ရင် မျက်လုံးလေးကမှိတ်သွားပြီး ရှေ့ကကြီးနေတဲ့ နှစ်ချောင်းသောယုန်သွားလေးတွေကပေါ်ပေါ်လာတတ်တာရယ်။သူ့ဖာသာနေရင်း ပါးလေးကို ဖောင်းလိုက်ပိန်လိုက်လုပ်ရင်း ဆော့နေတတ်တာလေးတွေကိုက လူကိုအသည်းယားလာစေတယ်။

အသားလေးကဖွေးဖြူနေပြီး ပါးလေးတွေမှာ သွေးကြောစိမ်းလေးတွေထင်းနေတာက သူ့ကိုပိုပြီးလှအောင်ထောက်ပံ့ပေးနေသလိုပါပဲ။ယောက်ျားလေးတစ်ယောက်ကို လှတယ်လို့ပြောတာ သိပ်မဟုတ်ပေမယ့် သူကတော့ တကယ့်ကို မိန်းကလေးတွေရှုံးအောင်လှတယ်ဆိုတာတော့ မြင်တဲ့အတိုင်းကို ရိပေါ် ဝန်ခံရမည်။

ပြီးတော့ ကျွန်တော်ကိုဆို မျက်လုံးရွဲကြီးတွေနဲ့တခါတလေ တမေ့တမောငေးမောနေတတ်တယ်။ဒီကောင်လေး ငါ့များစိတ်ဝင်စားနေသလားမသိ..

"ကျိရန်တို့ကို အားမကျဘူးလား?"

"အမ် အော်"