مواعيد ( رواية باللهجة الليبية )

الحلقة الثانية و العشرون

روايـة : مواعيد
بـٍ قلم : سيلا 22
.
.
.
.
مـقعمزه في الغرفة ع الطاولة الخشبّية ؛ قدامها كمشت الوان و اقلام و ادوات رسم ، حاطه ايد ع خدها و ايد تلّون بيها فـ رسمّتها .. 🎨
الي كانت عبّارة ع شط بحر 🌊.. و بنت واقفه قدامه و بحداها ولد عاطي بـ ظهره و شعره نازل عليه زي رواد بالزبط 😅 

دق باب الغرفه قالت بدون ما تتلفت : خشي خالتي
نفتح الباب و خـش منه رواد ، مدوّش و شعره نازل ع وجهها بطريقه ناعمه و سلّسة ..

: نخش عادي ؟
نخلّعت سنابل و غطت الرسمة بـ باكو الالوان ؛ و شبحتله : سكر المكيف بس خير ما تمرض..
رواد ( يقيم في شعره ) لالا مافيش داعي كنت طالع و قلت نجي نقولك غدوا ماشين للبحر وتي روحك..
سنابل ( ضحكت ) بجدييياات! بنلحقوا اماليا
رواد : ايييه ؛ وتي روحك و قولي ل امي غير لقيتها راقده ..
هزت سنابل براسها و قالت : به و خدمتك؟
رواد : خذيت إجازة سبوع ..
سنابل : شكراً عطلناك ع خدمتك
رواد : لا عادي هو أسبوع .. المهم توا تبي شي؟
سنابل : سلامتك
رواد : مديريش غدي بنجيب من برا ، و متنحيش حوايجك متندريش من يجي..

و طلّع من الدار و خلاها محمّرة بخجل ؛ ناضت سكرت الباب وهي تنفخ : اوووه توا بيشدهالي و معش بينساها 😳😢

اتجهت لـ رسمتها و تنهدت : خلي نكمّلها ع البحر باش يبدا المنظر قدامي😁 و رواد قدامي 🙈

بلّعت ريقها وهي تتفكر في موقف امس ؛ و نظراته ليها 👄..
هزت راسها يمين يسار تباعد ف الافكار الشيطانيه : يا بنت خيرك رواد زي خوك وهو يشبح فيك اخته 😳
خلي نوض نضم خيرلي..
~
~
~
~
~
خشت مريم الدار و في ايدها سُفرة : معقوله مستعجل لدرجه متبيش تفطر ؟
حط فهد المشط من ايده و شبح ل امه : علاش يام تعبي في روحك
حطت مريم السفره ع الطاوله و قعمزت مقابلته : لازم تفطر كيف طالع من غير فطور
قام فهد البرفان يبخبخ : حاضر توا ناكل ع خاطرك
مريم ( قايمة حاجبها ) وين وين النشاط و الهمه هادي وين ماشي ؟
ابتسم فهد و شبحلها وهو يلبس في ساعته : للمستشفى عندي موعد اليوم
مريم : و المستشفى يتأنقولها هكي ؟
خشت نجلاء وهي تضحك : شكله شابحله شبحه غادي
فهد ( مبتسم و يسقم في سوريته ) كل شيء ممكن 😁 وين فروخك مريتهمش اليوم
نجلاء : سلم خالهم الي يتحمل فيهم رافعهم معاه 😏
فهد : حي ع ناكرة جميل نسيتي امس كله واني نكركر فيهم ؟؟
مريم ضحكت : سادكم عراك افطر و تسقد ل موعدك قبل ما يفوتك الوقت..
نجلاء : اشبح موعد ع الكتف ولا موعد غرامي😉

شبحلها فهد و ضحك ؛ شرب طاسة العصير في فم واحد و كلّي من الكيكة ، و قام مفاتيحه و طلع من الحوش وسط دعوات امه 💓
لابس و متأنق ؛ سورية كحله ع سروال جينز و مساوي شعره و لابس نظارات و ريحة برفانه ادوّخك ع بعد كيلو مترات ..