# مواعيد 🌪️
/
/
/
" خواافه من يوم يومك "
لما شبحته قدامي ، مصدقتش عيوني .. طول حضنته من غير وعي : يا حيوااان
هو قعد يضحك و يدخل فيا للشقه : خوك الكبير يا حيوانه احترمي روحك..
سكر باب الشقه واني قاعده متعنكشه فيه و نبكي.. من غير ولا كلمه ..
طلعت نور من داخل و لما شبحاته عيطت و نقزت عليه..
وهو يضحك و يقول : خنقتوووني اقسم بالله يا فيلة..
تباعدت عليه واني نركن فيه : معقوووله شهرين شهرين لا تقول عندي خوات لا خوت لا شي هكي تمشي و تخلي كل شي وراك حت ع تليفون مره ف شهر ترد ؟؟
نور : معش فيه مشي راه الموضوع هدا نحيه من راسك😭😭
سفيان : اياااح علينا كأنه قلتلكم ماشي نلعب .. ماه ماشي نخدم ع اياماتي طبيعي مش حنقدر نكلمكم هلبا..
اني : بس مش للدرجه هدي حسيتك زي الي تريحت منه
سفيان : والله لا يا طشة .. ستحشتكم
" و حضن نور " كبرتي عاااد بدينا ثانوين و جووو..
نور : اي المره الجايه لما تمشي و تجي صغاري بيفتحولك الباب
انا نضحك : الكلام هدا مقلتاش حتى اني ههههههه
خشينا ثلاثتنا للصاله واني تدكرت القهوه و خشيت للمطبخ نجري لقيتها فايجه.. طفيت عليها ..
و درت تلاته طواسي في سفره و طلعتلها بيهم..
" اكيد مافيش من يعرف يدير قهوه اخسن من قهوتي و استحشتها"
سفيان : اووو تلعبي ع الوتر الحساس .. غير قعمزي قعمزي خلي نشبع منك و بعدها نوضي دلعينا بفطور ره ع لحم بطني..
نور " لاصقه فيه " وصلت توا انت ؟
سفيان : اه تبوا الحق من امس ف ليل لكن لقيت الحوش فاضي
انا : وووه عليا يناري يا وخي هدا علاش اتصلت..
سفيان : اي لاكن مافيش رد..
نور : باهي وين رقدت ؟؟
توتر سفيان و غير قعدته : ااء مع احمد عند جيرانه..
ضحكنا اني وًنور و شبحنا ل بعض..
وهو قام حاجبه و قال : شن يضحك مالا ضحكوني معاكمً
نور " تضحك " اكيد تقول الحمدلله مش قاعدات🌚🌚
سفيان : نوور لمي روحك عليا..
انا : باهي خلاص خلاص 😂 احسن ما درت بعدك الناس هدوكه قريب ماتوا في غيبتك..
سفيان : دنيااااااا
انا : هاااه سكتت .. يحنه هدا امس عمك عزمنا ع الغدي..
سفيان : اياااه كيف جت منه ؟؟
نور : مش عارفين روحنا من المدرسه لقينا امك قتلنا وتوا روحكم عمكم عازمنا مشينا ع خاطر ندى و صغارها ستحشتهم..
انا : و شدت فينا نباتوا معاهم عبدالله بايت برا لانه
سفيان " يشرب من القهوه " مالا قاعد ميجيبش فيها ليكم؟
انا " تنهدت " بكل يا وخي ليها شهر مش جايه
سفيان : توا نتفاهم معاه .. امكم وين مالا ؟؟
شبّحنا اني و نور لبعض .. و عارفين لو قلناله منندروش بيقوم الدنيا و يقعدها .. تكلمت بسرعه و قلت : ااءء خليناها عند ندى بس روحت لانه نور عندها مدرسة..
سفيان تبسم و شاف ل نور: لا مدرسة ولا شي اليووم .. بنطلعكم و بنقضوه كله برا ..
انا : لكن يا سفيان ..
نور قاطعتني و بدت تنقز : واخيرااا و اخيرااا بالله وافقي يا وجه النكد ره نفسيتي تأزمت من القرايه😭
انا نفخت : بااااه..
ضحك سفيان و قال : ااه تقدروا تقولو حتى ل حياة تجي معانا😅 لو تبو يعني..
ضحكنا احني الزود و نور وقفت : توا ماشيه نقوللها باش توتي روحها😉
انا : صبح يا فتاح نور الناس راقدين
سفيان " باحراج " اه لالا كانت نايضه..
انا ضحكت : مالا بري..
