مواعيد ( رواية باللهجة الليبية )

الحلقة التاسعة و العشرون

#مواعيد
تأليف و كتابة / سيلا 💬

قراءة ممتعة ❤️
/
/
/
/
ألاء " تاكل في طرف بيتزا " زعما روحت توا ولا قاعده معاه ؟
اتكيت ع المخده واني شادّة في ايدي طاسة عصير مانجا : توقعي منها اي شي مها ، مابيتش نشرين و نزعجهم لين تشرين هيا
الاء تنهدت : يا رويحتي ع سنود
انا : كان تشوفي الفتره الي فاتت شاريلها خاتم و قال غير يتصلحوا الامور بينى و بينها بنتقدملها
الاء : توا شن بيصير فيه كان عرف
انا : نخمم فيه اقسم بالله عارفاته مش حيتحمل
الاء : لكن تعرفي هي صح مها صاحبة عمرنا و وخيتنا لكن تعرفي طبعها و نقوللها فيها حتى في وجهها ماادية و حتى لو تزوجت سند مش ح يصيرو مع بعض لانه ظروفه ع قدّه
انا : الله غالب عليه زي المنجوه ميت فيها

رن تليفون الاء ؛ حطّت الي كانت تاكل فيه و قاماته ..
انا : من هذا مش وقته انتي كيف بادية تنسجمي في الماكله
الاء عقدت حواجبها باستغراب : هاذي سدرة شن تبي توا زعما !!
انا : سدرة مني ؟
الاء : الي تلاقينا معاها في المستشفى ممرضة غادي متتفكريش فيها ؟
انا : اهااا ايه ايه ردي اشبحى خيرها بالك حاجه ضرورية

الاء : ان شاء الله خير
و ردت : اهلا سدورة ..
سدرة : اهلا لولي كيف حالك و حال صحتك
الاء / الحمدلله بالف خير انتى شن احوالك ؟
سدرة : بخير .. آه بنسالك
الاء : تفضلي حبيبتى
سدرة : صاحبتك دنيا عندها خو اسمه سند ؟
شبحتلى الاء و قالت من غير ما توضح السؤال : ايه علاش!
سدرة : لا حول ولا قوة الا بالله
بلعت الاء ريقها و تغيّر لون وجهها : علاش !
سدرة : مداير حادث قوي وتوا قاعد عندنا في للمستشفى في العناية..
الاء نصدمت : اه شنو ؟؟😳
سدرة بحزن : ايه يا لولي زي ما نقولك ولتوا الدكتور مطلعش من عنده ، حاولي تقولي ل اخته و عيلته باش يجو يشبحوه
الاء ( مصدومه و تشبحلي ) تمام
سدرة : ان شاء الله لاباس عليه
الاء بلعت ريقها : شكرا انك كلمتيني و قلتيلي
سدرة : ولو مش بيناتنا ، تصبحى ع خير

سكّرت الاء تليفونها و عيونها ع الأرض مش قادرة تشوفلى ،. قلبي نخزني و نضت وقفت قدامها : الاء خيره وجهك اصفر شن في؟؟
الاء ( قامت عيونها فيا من غير ما تتكلم )
زدت خفت و بديت نرعش : خيييرك شن فيييه تكلمي شن صاير
ناضت الاء وقفت قدامى و حطت ايديها عليا : دنيا ااه مش عارفه كيف بنقولك
دموعي نزلوا طول واني نشوف لملامح وجهها : سفيان صارتله حاجة!! في من يا الاء في منن
الاء : ت لا بعيد السوء عليه ، ( و بلعت ريقها ) سند دار حادث لكن بسيط م..
قبل ما تكمّل كلامها ؛ فقدت توازني و حسيت الدنيت تدور بيا وطحت ع الارض
بدت الاء تعيط و تضرب فيا ع وجهي : دنياااا دنيااا نوضييي
جت نور تجري من الصالة : شن في شن صاير .. هييييء خيرها دنيااا !!😨
الاء تبكي و تضرب فيا ع وجهي : اعطيني برفان فييسع..
خذت نور من الشكماجة أول عطر قابلها و مداته ل الاء : شن صار خيرها ..
خذت الاء العطر و بدت تبخ فيه ع وجهي و ساكتة ؛ دق الباب و مشت نور تجري باش تفتح ، لقتها حياة ب بيجامتها ..