#مواعيد
سيلا✨
/
/
/
احمد " بجفاف " او اهلا سفيان الحمدلله ع السلامه
ستغرب سفيان اسلوبه و لكن مد له إيده : الله يسلمك ، شن حالك
احمد : الحمدلله ، تفضل ؟
سفيان : ناديلي نور ترا بنعطيلها حاجه..
هز احمد براسه و خش لداخل ، نفخ سفيان وهو يستغفر : خيره توا الهبل هدا ناقصاته الحكاية هيا
طلعت نور من الدار و مشت لـ خوها : لحقت تستاحشني ؟ عارفه الجو من غيري اعي و دنيا وجه نكد
سفيان " مدلها الشكاره و وطا صوته " اعطيها ل حياة و متفتحيهاش انتي
نور : يااا عيني يا عيني
سفيان فنص : وطي صوتك و خشي هيا و وشاحك متنحيشي مدام هدا اهني
هزت نور براسها و خشت لداخل و سفيان سكر بابهم و طلع ل سيارته وهو متكنطي نسبياً لانه محصلش فرصه يشبحها..
خش احمد عليهم الدار وهو يدّقل : حياة انتي مش عايشه في فندق الي صار اليوم معش نبي يتكرر فاهمه ؟
نور : خيرك احمد نهبلت في عقلك ولا طاحت ع راسك فازة ؟ نقولك البنت مشت معانا مش بروحها خيرك
احمد : هو خوكم لكن هي منين يقربلها باش تركب معاه و تدهور الناس يتكلموا راه !
حياة : احمد مش ملاحظ انك زودتها حكينا في الموضوع بكري و قتلك تم و حقك عليا خيرك توا ؟
احمد : باهي باه من مفوتهالك تسكيرة اليوم ع وجهي
و طلع من الدار و خلاهم ، حياة : مهبول مولي
نور : والله حاساته يحبك و غاير
حياة ضحكت : شن تقولب نور مديريليش جو خوك اني و احمد خوت منذ الازل
نور : مش عارفه عاد، افتحيها افتحيها خلي نشوفوا شن جايب😍
ضحكت حياة و فتحت الشكاره ، طلعت منهت باكو احمر معاه ظرف و 3 طروف شكلاطه .. : نور نوضي سكري الباب
ناضت نور و سكرت الباب و رجعت قعمزت بجنبها : افتحي ترا
فتحت حياة الباكو و كان الطاكم الي خاطرها فيه 🥺
عيطت من الفرحه و ناضت تنقز : نحبه نحبه نحبه نحبه
نور تضحك : لا اكيد الشكلاطات ليا مالا معقوله نطلع من المولد بلا حُمص!
حياة : كوليهم مش مهم 😍😇
و فتحت الظرف تقرا فيه و عيونهت قلوب قلوب : اي طاكم قدام جمالك يُهزم ، انتي الي تحلي في كل شيء 💕
يُحرم يقعد شيء في خاطرك و سفيان عايش ..تبيديه بالهناء يا حياتي
نور " تاكل " حي ع خوي و ما يطلع منه
حياة : واااك نوووور بنبكي متوقعتش يدير هكي ع خاطري و يشريه بالحق رغم انه غالي
نور : خلاص سادك دراما البسيه خلي نشوفوك بيك وانتي قداش غالي عليك التبكبيك ..
^
^
^
^
غالية : الزيتونات حالهم يسخف يا ولدي ميتات يبوا امية واني و بوك معندناش جهد لهدا درنا دوره و روحنا
عبدالله : خاطري نعرف علاش مشيتوا بروحكم يمي مش كان خديتوا ايمن معاكم ؟
غالية : ايمن متمرقد وين بنلقوه توا
عبدالله : باهي حصل خير المره الجايه توا نرفعكم اني ، بوي وين ؟
غالية : في الشارع يهدرز مع الجيران
طلعت ندى من المطبخ و حطت سفره الشاهي ع الطاوله : واني نقول وين خالتي مختفيه اليوم
غالية " خدت طاست المية " اي من الصبح طلعنا توا كيف روحت قلت نركب نشبح حالكم
ندى " قعمزت " سلمك نشادة يا حنه
عبدالله : خلاص يمي اليوم قعمزي تعشي معانا ما فيك ما تنزلي
شبحتله ندك ع جنب و قالت في خاطرها " هدا يبي يشوّم عليا مشيتي ل اماليا " اي حق اعميمه قعمزي
غالية " اتكت ع الصالون " اي شكله هدا الي بيصير مافياش جهد ننزل تاني
ندى : الحوش حوشك مالا شني
