مواعيد ( رواية باللهجة الليبية )

الحلقة الخامسة و الاربعون

#مواعيد
باللهجة الليبية العامية 🇱🇾
سيلا
________
شرّب إيهاب من طاست ال 🥃 الي قدامه لين حس انه بدي يفقد اتزانه..
حط الطاسة من ايده و وقف : لا خلاص اني معش نقدر نزيد
شدّه صاحبه حازم من ايده و سحبه بحداه : ت معقوله انت ايهاب الي كنت تشرب ب ال5 شيشات مش قادر تكمل طاسة؟
ايهاب : ت حول يا راجل بنروح للحوش منبيش تبدا ريحتي طالعة
( و دف ايده )

وصلت رسالة ل تليفونه ، فتحه وهو يحك في عيونه و يحاول يقرا المكتوب..
عبد المعين ( توا ريت سيارة راجل دارين طالعه من زنقة شقة عمك انضني هيا قاعدة غادي كانك بتنتهز الفرصة و بتعتذر و منها توضح ل خطيبتك سوء الفهم الي صار بينكم)

اول ما قري اول كلمتين و زبط بيهم مكان دارين ، مكملش حتى باقي الرسالة ، و خذاه قلبه و اللهفة لسيارته رغم اصوات صحابه الي تنادي عليه..
كان دايخ بعض الشيء و لكن مش كلياً ، انطلق ب السيارة وهو يحك في عيونه و يحاول يصحصح..

رن تليفونه قامه و كان المتصل عبد المعين..

ايهاب : ايي .. ايوا
عبد المعين : طينة !!! 🤦🏽
ايهاب : ت لا ياراجل نص كاس بس
عبد المعين : فوت عليا خودني معاك ماطمنش مشيتك بروحك بالك دير زي عار المرة الي فاتت!!
ايهاب : به وين انت؟
عبد المعين : في جزيرة *^**
~
~
~
~
~
~
طاح سفيان للارض من قوة الضربة و حط ايده ع راسه وهو يصرخ من الالم..
نفتح ضي الدار و انصدم لما شاف شمس قدامه و شادة عصا في ايدها : حيييييه هدا انت 😩😳
سفيان : الزح حجمك حجم الفار و ضربتك تقول قذيفة نزلت ع راسي..

طبستله شمس و بدت تنوض فيه من ايده : هييه احترم روحك نحساب خناب متوقعتكش تولي لانه نعرفك لئيم 😑
تقاعد سفيان وهو حاط ايده ع راسي و مغمض عيونه : تي مني م..
( و سكت لما فتح عيونه و شافها لابسه شورت تحت الركبة موڤ و تيشرت بيضا مبينة شوي من صدرها ..)

بلعت شمس ريقها بتوتر و ناضت بخجل ، خذت الوشاح الي ع السرير و غطت بيه روحها : مفروض قلت افتحي اني سفيان مش تفتح الباب بكل ثقة تقول خاش حوش بوك!
وقف سفيان وهو منزل عيونه و وجها بادي يحمّر : و الخنابين هكي تقابلي فيهم انتي ؟ يا بنتي راك مش قاعده بروحك وشاحك ع راسك ديما امتا بتفهمي
نفخت شمس و قعمزت ع سرير : اني مش محجبة.. 🙄
سفيان : انتي توا في ظروف فارضة عليك تتحجبي ولا تبي يصير زي المرة الي فاتت ف المعسكر ؟ ره الحيوانات البشرية في كل مكان واني مش ديما موجود باش نساعدك..
وقفت شمس وهي تقرب منه و تقلب في عيونها : متعياش من النصايح انت؟ .. امتا بنتسقدوا مليييت😩
شبحلها سفيان ع جنب و قال بسهوكه : مليتي! ترا احلفي ؟ خلاص توا غدوا نحجز طيارة تروح بينا ( و عقد حواجبه )
شمس ابتسمت ببلاهة و وقفت قدامه : مدابيا تكون خاصة .. 😍
سفيان كشخ : انتي فايقة لروحك !جاية مع زوز بالدرقة و غصبا عنهم معناها تحملي ما يجييك..

رعشت شمس من صوته العالي و نزلت راسها للارض .. قالت بنبرة زعل : به تمام بنسكت...

و اتجهت للسرير انطرحت عليه و درقت روحها باليرغان..
شمس : معش بنتكلم بكل و كان سمعت صوت مش مني هذي بطني جعااانه..