مواعيد ( رواية باللهجة الليبية )

الحلقة التاسعة

#مواعيد
" سيلا " 🖊️

/
/
/
قلت بنبرة خوف و رعشه : ايهاب

وقفّه صوتي و تلفت وهو عاقدهم : خيرك شن مطلعك توا ؟
اتجهتله واني نبلع في ريقي : متركبش في سيارتك
ضحك بهزوه و اتكا ع الباب : علاش ؟؟ ترفعيني ع ضهرك مثلا!
انا : لا اني شفت واحد حطلك فيها حاجه !
ايهاب : تتسهوكي في نص الليل دارين ؟ " بلع ريقه و ضرب جبهته " قصدي دنيا خشي و ارقدي ليل عليك..

انا : لا والله م..

و قاطع كلامي قبل ما نتفوه بيه ، صوت انفجار كبير!
و دخاخين و نار 🔥 .. نخلع ايهاب و طول فتح باب الجنان و لقي سيارته تعتلب ب الدخان .. نفجرت لدرجه ان كل قومه فيها مشت في تركينه .. و الصوت الي داراته مش قليل بكل!
قعد واقف في مكانه متجمد من الصدمه ، واني احرف منه حاطه يديا ع فمي و دموعي ينزلوا من الخوف..

طلعوا من الحوش عمي و خالتي غالية و ندى نزلت و ايمن حتى هوا طلع من حجم الانفجار الي صار..

ايمن : تي كيف صار هكي من دار هدا !!!!
عمي : لا حول ولا قوة الا بالله العلي العظيم كيف صار هكي كيف صار
ايهاب " بدي يضرب ع الحيط و يسب بصوت عالي " ولاد الكلب رلاد الستين كلب ولاد ال**^^٪؜ وربي المااا ندمهم والله ما ندمك يا هشام..
عمي "بعصبيه " ضم فمك ضم نصحتك من الاول و قتلك متلعبش معاهم و مسمعتش كلامي و هدا بدايت انتقامهم و اشبح الجاي كيف..

بدي ايمن ياخد في المية من الشيش الي كانت طلعله فيهم ندى و يبخ فيهم ع السياره لين هدي الحريق الي منذلع فيها.. 🔥
طلعوا الجيران و قعدوا يطفوا معاهم..
و عمتي غالية في الجنان تبكي :يا حليلي يا ربي الحمدلله ليك يا ربي الي نجيتلي ولدي الحمدلله الي مصارلاش شي شن يبو منااا شن يبو من صغاري يا حليلي يا حليلي..

حاولت نهديها و نلمها : عادي يا عمتي تصير مرات معبي بنزينه متصلحش مش شرط حد مولعله فيها ..
ندى : الحمدلله يا عمتي و دفع الله ما كان اعظم الحديد يتعوض المهم هوا ب الف خير و قدام عيونك..
غالية " تندب " سياره لا بيها لا عليها مستحيل هكي يبو يقتلولي صغاري اااخ يا ربي..

حاولنا نهديناها علي قد ما نقدروا لكن هي شيء مش مبطله بكاء ، و ندى تشرين ع عبدالله و يعطيها مقفل..
و اني في حالة ذهول من الي صار! صح كلام عمتي و في حد حاط ايهاب في راسه .. لكن علاش و من يكون ؟؟
~
~
~
~
~
المهم قتله كيف تحطني حضر هكي من غير ولا سبب بس لانه قتلك اخطبي !
مها : به شن رده الافندي!
الاء " و عيونها قلوب " قال امه مريضه و الوضع ف الحوش متفكرس و الوقت الي طلبت فيه غلط في غلط
مها : و صدقتيه انتي ان شاء الله ؟؟
الاء : مها مشبحتيش عيونه كيف معبيات حزن.. قالي ان لازم نزيد نوثق فيه و اني مش واثقه فيه بكل و هالشيء يزعل فيه مني..
مها : اختصري و قوليلي امتا بيجي يخطب !
الاء : لما الوضع ف عيلتهم يتحسن 🙈
مها : اي لما يجزوا ف البقر صح ولاه
الاء : مهااا متحبطينيش..
ناضت مها من ع السرير و طاحت في الاء تكر فيها من شعرها : انتي كيف متشاررينيش قبل ما تتلاقي معاه و توليله كيف كيف
الاء " تفك في روحها و تعيط " يا حيوانهه شعري قطعتييه
مها " ركنتها " كيف تتصرفي من دماغك العبيط!
الاء : مها نحبه و تبي الحق كلامه مقنع حتى اني ضغطت عليه هلبا🥹
مها :وووه عليا اني الي ضغطي رقي انييي زودولي..