#مواعيد
ل سيلا 🖊️
_________
حطّت الاء طاسة النسكافي الي في ايدها وهي تقول : خيرها ندى روحت بكري!!
أنا : ع اساس متعرفيش راجلها المتخلف!! اول ما آذن المغرب جاها يجري
حياة : ايه يا روحي الصغار مالحقوش حتى يتعشوا جاهم زي الصاروخ..
سميرة : بينه ربي وكيله في الي يدير فيه .. المهم صغارها عندهم اب و مكان يقعمزوا فيه خير من بلاش
طلّعت نور من الحمام وهي قايمة شعرها كودا لفوق ، قعمزت بحداي وقالت بصوت بريء : غدوا لازم نمشي؟!
انا فنصت فيها : ايه لازم تمشي! ساذ الايام الي غبتيهم بتلقي هلبا تطبيقات فايتينك..
حياة : النهائي متعكم قرب لازم تمشي و تاخدي التاشيرات..
الاء : و انتو الشهادة امتا امتحاناتكم ؟
تنهدت حياة تنهيدة قلق و حطت الكيكه الي كانت تاكل فيها : بعد شهر..
انا ضحكت : الواه عليك يا الاء سديتيلها نيتها..
سميرة ضحكت : 24 ساعه وهي منكده و حابسة روحها في دارها و ما عندهاش في شن تخمم الا هدوكه الكتابات.. يا لطيف..
همستلها نور وهي تقول : عمتك مش فاهمه الجو.. متحسابش سوسو الي لاحسلك عقلك مش الميكا هههههه
قرصتها حياة من فخدتها و فنصت فيها وهي تهمس : اسكتي يا متع مندر خير ما نفضحك توا
نور : مندر صديقي بس😳
حياة رقصتلها حواجبها بخبث : واضح من نظراته مبكري قريب كلّاك..
الاء : كلنا مرينا ب المرحله هدي ، و خفنا هلبا تدكري دنيا ايام الشهادة؟
انا : ايه ، لكن مرحلة و عدت و الحمدللله نجحنا .. توكلي ع الله و متخافيش
الاء : ايه و متصدقيش الي يقولك مش ح تلقي شن تجاوبي.. ح تجاوبي و ح تفوتي النص ب مجهودك .. و الفل مارك ميجيبوش فيها الا الغشاشين..
انا : طبعاً الاء سوسة زمان و ديما ضد الغش 🌚
سميرة : اصلا شن مخربها الدنيا الا الغش!! الشاطر تلقيه ماشي بين الرجلين و الي عنده واسطات مدير و مهندس..
وقفت الاء و قامت شنطتها : الله غالب الدنيا نقلبت .. و بالتوفيق حيتو يارب
انا : وين ماشيه قعمزي مزال بكري!
الاء : لالا هذاكه هو الدنيا ظلمت ..
وقفت و حضنتها : ديري بالك من الطريق
الاء : حاضر ، نتلاقوا غدوا الساعة 9 وله؟!
انا : مدابيا ال8 ونص باش نلحق نفوت ع المدرسة..
نور : بترفعك الاء معاش منيب!
انا ضحكت : لالا فكيني منهم ، خير ما يطلقوا في جرايري
حياة : كان تبي نمشي معاك اني و آحمد
سميرة : ايه هو فاضي الصبح خدمته العشية ..
انا : لالا علاش بنتعبه معاي ، اهو الاء قاعده .. يرفعك انتي و نور للمدرسة ساد و بارك الله فيه..
نور شافت ل سميرة : خيرها خالتي فتحيه مجتش! متقوليليش قاعده في العزا
سميرة : لالا روحت ، غير اليوم احمد جوه مكهرب قالت تقعد معاه
نور تلفتت لحياة و قالت بتساؤول : خيره !
حياة تنهدت : مندريش ماباش حتى يتكلم معاي..
خليتهم يهدرزوا ، و طلعنا اني و الاء لفم الشقة ..
الاء : متاكده متبيش نرفعك تباركي ل اية!
نفخت و تكيت راسي ع الباب : معنديش نية .. و بعدين وينها مها هيا؟ من هداكه اليوم معش ريتلها وجه .. توقعتها تجي وًتواسيني .. مالقيتهاش بكل المره هدي!
الاء : والله حالها احرف من حالك المسكينة ، شادتها بكي وخلاص..
انا ابتسمت بخيبة : يمكن كل الي صار مع سند كوم و الجرح الي في قلبه من مها كوم ، اني مستحيل نزعل منها ع خاطر الشيء هذا لانه نصيب من ربي، بس كل اسفي انها متصلتش بيا تواسيني عن بعد حتى!
حطت الاء يدها ع كتفي اطبطب عليه بحنيّة : معليش اعذريها الفتره هدي ، حتى هيا كان حبيبها و الي بينهم مش قليل
هزيت براسي و ابتسمت : ان شاء الله ربي يبعتلها ولد الحلال الي يعوضها و ينسيها..
