مواعيد 🌸
بقلم سيلا
قراءة ممتعة 📖
/
/
/
/
منيب : توا يا بوي علاش متعب ايمن و جايبه هني مش كان قعمزتوا تعشيتوا معانا بعدين نضت انا وصلتك ؟
يعقوب ( ضرب ايمن ع ظهره ) شن عنده يدير لا عمله لا شغله 24 ساعة راقد
ايمن ( يحك في عيونه ) لا عادي مافيهاش تعب
غالية : في مكان ما تحصل ل خوك عمل حصلت ل مرتك اعليك حالة وخلاص 😏
منيب ( ضرب ايده ع جبهته ) يما وئام متخرجه من كلية رسمية اما ولدك عاطي فلوس و راقد شهادته كلام زايد و دوه فاضيه
ايمن : اصلا اني حصلت خدمه و بنبدا من غدوا
غالية فرحت : يا هالساعة المباركه وين ؟😍
يعقوب : باهي طيب فيك درت لقطه لي عمرك
طلّعت وئام من المطبخ شايلة سفره عصير و بدت ضيّف فيهم : تفضلوا
غالية : منشربش ف عصير 😒
وئام : باهي خوذي شكلاته يا عمتي 😊
غالية : نخاف من السكر هو قريب يركبني 😒
تنهدت وئام وضيفت عمها و سلفها و قعمزت ..
أيمن : بنخدم في مقصف
يعقوب : باهي كويس المهم شغلة تنوضك بكري
غالية : شوفيله يا وئام بالك تحصليله مكان معاك ف العمل هوا نفس تخصصك😒
منيب ( يكح ) قتلك يام شهادة ايمن خاصه متنفعش
ايمن : ذليتني النهارات خلاص
غالية ( اطبطب ع ظهر أيمن ) خليه خليه ، اكيد لقي مكان و حط ملف مرته عيلته كلها زايد ناقص 😒
و تنهدت و حطت رجل ع رجل : اخر زمان التريس يديرو في نفاص تن و النساوين يتسهوكوا ع الراديوات
وئام : ... 😳
حس بيها يعقوب نحرجت و القاز يرقا من وذان منيب ناض وهو يضحك و يقول : هي ايمن نوض هي غاليه سادنا
وئام : وين يا عمي مزال بكري
منيب : ايه اقعدوا تعشوا معانا مش ديما تجو انتو
غالية : لا صحيت حسها كبدي نسحنت😒
و طلعت هي اول واحده ؛ قعد يعقوب يضحك بإحراج : فوتيها خوذيها ع قد عقلها
وئام منحرجه : ايه اصلا هي في مقام امي
يعقوب : ربي يحفضك بنتي و يرحم من رباك ؛ هي استأذنتكم..
طلعوا يعقوب و ايمن ، سقدهم منيب للباب و رجع ل وئام :معليش حبيبتي ام..
وئام قاطعاته : عادي يا قلبي جيتها و كلامها معاك عندي بالدنيا المهم امك راضيه عليك ❤️
حضنها منيب و تنهد : سلمهالي مراتي العاقلة ❤️
//////////////////////
الاء ( شادّة طاسة المية و ترعش في ايدها) ماعنديش حل حنعطيه فلوس وخلاص
مها : لا ردي بالك يا الاء الموضوع هذا ماينتهيش ب فلوس
انا / صح مرات يقولك مسحتهم و يوريك انه معش قاعدات وهوا داسهم ف تليفون تاني و يرجع يهددك مافيشي ثقه ره
مها : ايه ف هذا علاش نقوللكم لازم نديروله كمين
الاء ( رجعت تبكي ) شن بنديرو مثلا !😭
نفخت و ضميتها : اهدي الاء خلاص من بكري وانتي ع الحال هاذا
الاء : مش قادره يا دنيا ، يدير فيا هكي واني الي كنت نكدب ف كلامكم و نصدق فيه 😭
مها : باهي انتي الصور هادو باعتتهم ل حد من صاحباتك قبل ؟
الاء : ابدا تعرفوني كل شي الا صوري 😭 حتى ليكم منبعتش
مها نفخت : استغفرالله العظيم
