مواعيد ( رواية باللهجة الليبية )

الحلقة الثالثة و الثلاثون

#مواعـيد 🕰️❤️
سيلا 🖊️

ميّسم شبحتله : خيرك امفنص ؟ راجل ومرته خاشين للمطعم عادي علاش مبحلق عيونك فيهم !
ناض عبدالله من مكانه يجري ؛ و وقف قدام ميسم : نوضي قعمزي مكاني واني بنقعد مكانك
ميسم مستغربة : خيرك يا عبدالله شن في؟
عبدالله : نوضي وتوا نحكيلك..

بدلّت ميسم معاه ؛ و قعمزت مكانه تواسي في نقابها : خيرك تبهدل فيا اووف !
عبدالله : شبحتي الي خشوا توا ؟
ميسم :اييه ! خيرهم
عبدالله : ت هاذي ليلى مرت عمي
ميسم انصدمت : تبصر !! من هذا الي معاها 😮
عبدالله : مقابلينك هما وله ؟
ميسم تشبحلهم : ايه وتوا شاد ايدها و يلبس فيها فـ حديدة
عبدالله تعفلق : ال*** متاع الذكورة 😡 بتجيبلنا العار !
ميسم : بالك خوها ؟
عبدالله : ما عندهاش خوت الساقطة هذا علاش دايّرة ه حل شعرها من راجل لي راجل 😤
~
~
~
سالم ( يبوس في إيدها ) سامحتيني توا ؟
ليلى تشقلب في عيونها : الاسوارة حـلوة 🙄 ( و سحبّت ايدها ) خلينى نفكر نسامحك ولا لا !
سالم : لولو يا روحي والله يومها كنت مضغوط من الشغل و الموضوع الي فتحتيه نرفزنى ! مش قصدي نلعلع عليك
ليلى : اني كله كله قتلك تخيل ! واضح كلامي بصارة انت انفعلت طول واضح انك ماتحبنيش و ضيّع في وقتك معاي وخلاص
سالم : كان هكي ره مش واخدك ع مرتي و مأجرلك فيلا ع حسابك ! و نجيبلك ف الغالي و المليح .. والله لحظة غضب و جت فيك حبيبتى
ليلى : ما نعرفش خليني نفكر 🙄
سالم : باهي شن تبي نطلبلك تاكلى ؟
ليلىٰ : ع ذوقك ما عنديش مشكله 😊
سالم ابتسم : رضينا !
ليلى ( تشبح للحديده الي في ايدها ) شبه ..
ضحك سالم و نادىٰ ع القرصون ؛ شرين تليفون ليلى قاماته و شافت للمتصل..
سالم : منو النفاخة هادي !
ليلى : هادي صفاء صاحبتي اشبح شن صاير معاها ..
سالم : فوتيها و كلميها بعدين مش وقتها !
ليلى : خلي نشوفها بالك حاجة ضروريـة ..

و ردت : ايوا صفاء ! .... مع سالم ...... شنووووو ؟؟
( و وقفت تعيط ) شن تقولي انتي ! في أي مستشفى !!!!
/////////////////////////////
خولـة : مكثرتله سُكر يا سارة
سارة : حطيت صبعي فيه  بالغلط يا عميمة 🙈
مها " ضربتها ع كتفها " باردة ما تضحكيش ! الله يقرفك 😒
ضحكت ايـة و حطت طاسة الشاهي الي في ايدها : بالرّسمي يا سارة تقول نشرب في عسل
خولة : عسل شنو ! رَبّ امـولي هذا

ناضت مهـا و خذت البراد : خلي نزيدله اميّة
أيـة ( حطت ايدها ع بطنها ) البيبي معجباش حسيته تحرك
خولة : ردي بالك يا بنتي معش تتحركي هلبا الفتره هذي ع وشك الولادة انتِ !
سارة تنهدت بتعب و اتكّت ع المندار : امتى بنوصل ل مرحلتك 😫 تعبت من ثاني شهر

مها ( من الكوجينة ) سارة وين تليفوني ؟
سارة تلكمّست : ااه ! فاضي شحنه كنت نكلم في امجد منه و حطيته في الشحن
مها تعيط : و خييره تليفونك ؟؟
سارة : معنديش رصيد 😫

خش عليهم نـضال و شاد في ايده اكياس فواكه : خيره صوتكم لبرا
خولة ابتسمت : سلمك جياب وليدي ..
سارة : الله جت في وقتها ، خاطري في مـانجا 😍
خولة ( علّت صوتها ) مها تعالي قشري ل اختك مانجا
مها تكنطت و طلعت راسها من الكوجينه : تحسابوني اخطبوط !! كم بندير تنوض تعبا ع روحها حتى القطاطيس يحملوا 😠