مواعيد ( رواية باللهجة الليبية )

الحلقة العشرون

مواعيد 🎻
بقلم / سيلا
ممنوع النقل 🚫
صلّوا ع الرسول 🌷
/
/
/
/
ناض رواد طول وقف ؛ و مشالها يجري سحبها من ايدها و طلعوا من المقهى ..
وهي طالعه وراه و وجهها احمر ، وقفوا عند سيارتها و فكت ايدها منه ..
سنابل : انا م...
قاطعها رواد وهو يكشخ : انتي شنو انتي شنو ؟؟ انتي حماره ت مش قتلك اتصلي بيا ع الخارب نجيك متنزليش !! خيررر فيتك متسمعيش في امه الكلام!
سنابل ( معش عرفت ترقعها ) تليفوني فصل شحنه 😢
رواد ( بصوت عالي ) استغفر الله العظيم استغفر الله العظيم ..

و ركب السيارة يسوق ؛ تنهدت سنابل و ركبت بجنبه وهي مسكره فمها🤐 ( غبية سنابل غبية ؛ فضولك هذا هوا الي بيجيب اخرتك )
سنابل : بعدين شن عرفني ان القهوه كلها شباب ؟
مردش رواد عليها و كمّل سواقته وهو عاقد حواجبه ..
نفخت سنابل و فتحت الروشن ..
/
/
/
/
/
فتّح يوسف عيونه ؛ ع صوت دواليب ينفتحوا و يتسكروا ..

ارين : خلي ناخدو حتى الكتاب هدا
ايلين : لالا فكينا بالك جديد و خالو يبيه
ارين : مالا خلي ناخدو الكراسة هاذي ..

تقاعد يوسف وهو يحك في عيونه : شن تديري انتي وياها؟؟
خلعوا البنات و طلعوا بـ الكتابات الي في يديهم يجروا ؛ ناض يوسف وراهم يلعلع : نلقاكم واخدات حاجه نورريكم
سكر باب داره و تنهد وهو قاعد خاطره في النوم ، سكر دولابه لانه اكره حاجه عنده غرفته تبدا مش منضمه ..
فتح تليفونه و لقي الساعه 7:40
نخلع و خش للحمام باش يتوضا و يصلي العصر الي فاته ..

طلعوا ارين و ايلين يجروا في الممر ؛ لاقتهم هاجر خاشة الحمام : وربي يا فرخات نلقا حاجه مهناش في داري نعدمممكم

مريم ( في الصالة لوطه ) خيرها تلعلع هادي..
نجلاء : يام شفتي كيف قالقين من صغاري رغم انهم زي النسمه😭
فهد ( يقشر في تفاحة ) كانش نسمة قبليه معبيه غبار و اوبية
نجلاء : يام تكلمي معاه 😭😭
مريم ( تكشخ ) الحوش حوش بوها الف مرحب بيها و ب صغارها ؛ فكوني من هالقطاف و قولي عاينت ع كتفك ولالا ..
ابتسم فهد ع جنب و قال : ايه و عندي موعد بعد غدوا قالولي الجرح التهب شويه
مريم : لا حول ولا قوة الا بالله ، هدي قلة المرواح شن دير 😠
فهد : مافيش شي خطير يام ؛ التهاب بسيط ر عطوني مضاد توا يمشي بيه
نجلاء ( تشبحله ع جنب ) اول مره نشبح حد فارح وهوا بيولي للمستشفى 😏
فهد : شن دخلك انتي يا عدوة السعادة 😀
( كلّي من التفاحه وهر يذكر في الاء ؛ اخخ كان نلقا نبات فيها المستشفى هادي )

خش اوس من برا وهو يبكي : ماما😢😭
ناضتله نجلاء خالعه : شن فيك خيرك
اوس يبكي : لولو بنت الجيران مبتش تلعب معاي😭
مريم ضحكت : وانت مالك و مال لولو و مسيب خواتك
اوس: نبي لولو 😭
ارين ( واقفة ع الدروج ) الف مره قلنالك معش تتلصق ع البنات ؛ فوته جو خالو ..
عقد فهد حواجبه و ناضلها : حي ع اللسان الملوي حي
ضحكت ارين و ركبت تجري..
فهد : غير جوي مليح توا لكن داسهااالك الطريحه
نجلاء ( حاضنه ولدها ) قالولنا مداير موعد اليوم 😂
فهد : ت حي ع امهم الفرخات 😳
مريم : غير يا ولدي دير بالك و قوللنا طول نمشوا نخطبوا و سكر هالسريب.. كله الا عشم الولايا
نجلاء : هو يوسف الكبير مقالاش الكلام هذا
مريم ( تنهدت بحسره ) اي بالله هداكه خليني ساكته فقدت منه الامل
نجلاء ( ترقد في ولدها ) خليه عليا مش مروحه من هني لين يخطب..
~
~
~
~
~
~
غرّبـت الشمس زي هلبا اضواء كانوا ساطعين في حياتنا ، انعكس الغروب ع البحر 🌅 ، و صوت الموج خَفّ ..
الهدوء حلّ مخيلتي و عقلي ، ليا ساعه مقعمزه قدام البحر نتأمل و ساكتة ..
مفكرتش في ولا موضوع ممكن يعكر مزاجي ..
اُمي عديمة الاحساس ، خطوبتي من شخص مانبيهوش ، اختي الي بديت ننسى ملامحها ، موت بابا الي متخطيتاش ..