مواعيد 🚃..
سـيلا
صلوا ع الرسول ..
\
\
\
سميرة : بجديات ؟ 😍😍
نور : ع اساس متعرفيش ان مقروضك يهبل و يطير العقل ..
" و قامت مقروضه من السفرة "
سميره : الف صحتين ع قلوبكم حبيباتي ..
حياة : عميمه وين ميشو بالك طلع برا الشقه
سميرة : لالا مخلياته في دار احمد ع خاطر نور متحباش
نور ابتسمت : سلمهالي سموره
حياة : المشكله ان هو اكيت منك
سميره :لا عاد بتقارنيلي نور بنيتي ب قطوسك الشوارعي
حياة : عميمه لو سمحتي الا ميشو فلذة كبدي ..
" ناضت " بنمشي نجيبه ..
قاطع نوضتها ، احمد الي خش و في يده قطوسها : من بكري يميوش نفخلس راسي يبيك
" و شبح ل نور " اووو الغاليه عندنا 👿
نور " بلعت ريقها " احمد فكنا من برادتك خالتي قوليله
سميرة " فنصت فيه " احمد تحشم عً وجهك راجل ب شناباتك شن حاط دوبك من دوب نور
اتجهتله حياة و قامت منه ميشو : وليدي حبيبي ستحشته ..
احمد " ابتسم " عندك علم يشبهلك هلبا ؟
شبحتله حياة ببراءه : حقا ! ف شني
احمد : نفس نظرة العيون . ..
نور : لالا نفس النقان و نفس العقل 🤡
احمد : اسكتي انتِ يا ذبانت المقروض
سميره : احمد تحشم ع وجهك راجل راك ..
احمد : هي تناشب يا خالتي شبحتيها
سميرة : تناشب في حياة انت شن دخلك ؟
حياة: اني و ولد عمتي ع الغريب 👿
نور : اه يا غيبت سفيان كنت جبته يوقف معاي" و رقصت حواجبها ل حياة "
بلعت حياة ريقها و قعمزت في مكانها مع قطوسها ..
سميره " وقفت " امتا بيروح سفيان هو ليه وحشه
نور : حسب كلام سند الاسبوع هدا ان شاء الله
سميره : باهي ياربي يوصل سالم غانم مافيه سوء ..
" و شبحت ل احمد " امك ناضت ؟ً
احمد : اي مقعمزه في الصاله
سميره : خلي نشاورها ع العشي ..
و طلعت من الدار و خلتهم .. نور ترغي ،،
و حياة سارحه وًتكتب .. و احمد مكتف يديه و يتفرج عليها بدقة ..❣️
نور : توا بجديات امتحان الرياضيات بيديرهولكم الاحد ؟
حياة : اي قال هكي و تعرفي من يومها نرعش ..
نور : متخافيش انتي قدها " و شافت ل احمد " اهو مهندس طوله ب طول الباب يقريك ..
حياة " شافتله " اي نفهم منه هلبا الحق ..
احمد " فاق من سرحانه " ااه شن تقولو ؟
نور : خاطري نعرف وين تسرح !
احمد : شن دخلك انتِ يا فارة الفيران هااا
نور : خااالتي شوفي احمد شن يقول 😭
سميرة " من المطبخ " خلي البنات في حالهم و تعالا ساعدني ف تركيب اللامبة ..
طلع احمد من دار وهو يقول : جاي هي
نور : تعرفي لو طلع ميحبكش نقص يذي من مكانها
حياة "فنصت " نور خيرك حبيبتي ؟ حرارتك راقيه اني واحمد زي الخوت متربيين مع بعض شن يحبني ما يحبني
نور : بس نظراته غريبه هلبا صدقيني
حياة : طبيعي حبيبتي حتى سفيان الي هو سفيان مقدرش يقاوم جمالي
" و ضحكت "
نور " ضحكت " يا عبد الواثق انت ..
و فعلاً حياة كانت فتاة جميله و جذابة .. شقراء طولها 165..
معبية نوعا ما يعني وزنها حوالي 67 .. و شعرها ذهبي و طويل .. زي الشمس 😍
و لونها مايل للوردي من بياضها .. وعيونها و ملامحها صغار و متتاسقين بدقة ..
